好奇怪…………
我有2部電話，一部係公開電話號碼嗰部，暫且叫佢A電話先。另一部只for我打機用（同樣有上台有電話號碼），叫住B電話先。
頭先我準備瞓覺，所以將A電話掉咗上床（我瞓高架床），然後將B電話既所有app都熄曬，駁尿袋叉電，因為尿袋太耐冇用，所以想佢走緊d電。好啦，搞掂後我就爬上床瞓。瞓咗都唔夠半個鍾，我就隱約聽到有人聲喺下方傳上嚟，係類似平時播片既YouTuber講野既聲。但因為太細聲我聲唔真係咩話，但我好肯定同一句話重覆咗2次！！原先我都唔想爬落床，但我諗諗吓，個尿袋都有成2-3個月冇用過，都係等我瞓醒先用佢叉電，癈時著火。咁我爬落床拔線（我發誓我拔線時個螢幕係全黑既），順便睇睇我係咪未熄app，就喺我想將部電話攞上手時，佢同我播音樂，係好短類近過場用既嗰種，但我肯定我嗰部機係唔會有嗰段音樂。我當時仲諗會唔會係我連螢幕都冇熄仲播緊YouTube （我上床瞓前1直播緊YouTube 嘅片），點知部機係好正常咁要我按制打開螢幕，然後我好肯定，我真係有熄曬d app……
咁我就望下我個藍牙喇叭會唔會開咗（其實我最近都冇開過機，今日都冇開過……），答案當然係冇開機啦……咁，到底d聲喺點出嚟嫁…………
