手機仔拍毋見一點鐘

閱讀時間約 1 分鐘
今仔日早起參加台語課的校外教學,攏總有3个行程,因為疫情的關係,逐个所在入門口就愛實名制登記,通常我會用手機來掃QR Code,第一站是南瑤宮,我那聽那相翕相,所以手機仔一直提佇手裡。第一站結束,逐家就緊去第二站,路上我閣踅去買番麥,心內暗歡喜,拍算下早的課程煞了後,就會使轉來厝裡食我上愛食的番麥。
拄到第二站,我就揣揹仔底,褲袋仔,衫袋仔,會害啦! 我的手機仔無去矣,越揣越煩惱,第二站無法度入去,嘛無心情留落來,規去就來轉,到厝隨用電腦敲予厝內的人,共逐家講我的手機無去矣,查某囝緊敲看覓,看有人共我抾著無?誠好笑的代誌發生矣,外口傳來我的手機咧叫的聲,啥物! 原來手機仔佇機車的箍仔內。
今仔日早起過共若咧洗三温暖,因為我的手機仔拍見一點鐘。
為什麼會看到廣告
Jenny Chang
Jenny Chang
我五年七班,職涯31年又4個月(1988/3-2019/7). 專長:財務相關實務作業 興趣:國樂器演奏,水墨畫創作,寫作等. 喜歡認識新朋友!
留言0
查看全部
發表第一個留言支持創作者!