這馬清明祭祖，誠濟人攏共祖先的墓地徒位去塔裡，阮高家嘛是!
清明拜拜就是拜神明、拜公媽，閣有去塔拜袓先，人有夠濟，又拄著落雨天，車嘛誠濟。因為疫情的關係，干焦會使佇外面燒香拜，金紙必須集中袂使燒，我感覺拜著怪怪，逐家攏向對塔裡的方向咧拜，拜好插香，一時矣就收收咧轉來去矣!
我看到塔的管理員，共拜拜的香，跤手真扭掠的一把一把收去桌邊的桶仔內，我才插落爾呢! 斡一个頭爾就收甲光光？我看這款情形，莫怪現此時有人用手機仔咧拜，時代變矣!阮這沿的攏毋知咧拜啥啊？何況是我的囡仔彼沿的呢？後擺會閣變成啥款，實在袂按算的。
