「看不見的茶湯，看得見的心意」（母語版）
阿嬤：
最近好莫？第一次為你奉茶，阮足歡喜。
卡早你參厝邊玩四色牌，我攏是在邊仔鬥鬧熱，那是你足難得輕鬆歡喜的時陣。
有當時，我不想要洗碗洗菜，只想和同學出去乞逃。你攏是說像你這呢老，猶閣愛做工作，孩子當然嘛愛鬥參共，m閣只要我好好讀冊，以後，我就會使做我自己甲意的代誌。
彼時陣我聽無，等到國中二年，你無閣坐在店門口等阮下課，永遠離開了，走晉前閣特別交代beh卡你存的私傢攏給我，辛辛苦苦一輩子存的私傢，彼當時，我忽然知影你的意思。
自彼一工開始，我一直跑一直跑，跑到全世界，啥密攏無驚，你傳給我的力量，就算要搬山移海，我嘛做會到。
