檢舉內容

陶瓷

「你去行你嘅路，行一條我唔會再見到嘅路」

於敘說故事前，阿天非常小心奕奕，從盒子中取中一個陶瓷

「中三嘅時候，嗰陣就快到阿嫲生日，想送野比佢，咁啱視藝堂整陶瓷，所以就諗『不如就整個陶瓷』送比阿嫲喇。咁我就拎左阿嫲張相，照住佢個樣黎整，特登整番大佢個蘋果肌哈哈。我仲記得係酒樓送比佢，阿嫲笑得好燦爛咁問 『呢個邊個黎嫁』，個陣覺得阿嫲好得意。見到佢笑嘅時候自己都會好滿足。」

阿天興致勃勃地說起與嫲嫲的相處經歷，但當說到那一件遺憾的事，阿天彷卻起她的興奮…

「嗰日我仲喺學校留左好耐，同d 朋友打完波，比平時hea多左一陣先番屋企，番到屋企見到阿爸唔喺到就打電話比佢喇，佢話叫我去醫院，但係嗰陣嘅我仲未意會到咩事咁，慢慢換衫，慢慢坐地鐵過去醫院，臨出閘個陣，阿爸再打黎問我喺邊，嗰陣我漸漸意識到咩一回事，我開始快步，急步，甚至跑去醫院…我仲好記得到達病房嘅一刻，我同醫生擦身而過…就係差幾秒…我同唔到阿嫲講再見…如果我唔喺學校hea…如果我行快多兩步…」

阿天形容，這份「擦身而過的遺憾」，就像一個白色的「阻力傘」。

「佢好似喺後邊拖住我，阻住我去醫院，即使冇風嘅時候仍然會扯住我咁，拖住我嘅每一步…喺醫院嗰陣明明好傷心好錫，但嗰陣都唔可以喊，因為我阿爸已經喊到3D肥膩嘢。嗰陣我覺得我已經Miss咗個deadline冇理由仲要人哋take care我，對於遲到嘅自責感好強好內疚」

不止步伐，阿天內心的情緒亦彷彿難以釋放出來。

「成日都話『失敗，之後仲有下次』，但今次係一份彌補唔到嘅遺憾。」

This is not the End…(後頁)

「件事都過左幾年，而家個阻力傘好似對自己影響細咗，佢好似唔會再鬧我， 反而更多嘅係我自己鬧自己」

如果…可以有如果…如果「阻力傘」會說話…

「當你除低左我，你會可以行得更遠。」「阻力傘」說。

「你跟住我都唔緊要架，你想走嘅時候就走啦」阿天堅定地回覆。

說著說著，阿天忽現醒起…

「如果個傘除低既一刻，可能會係我阿爸同我講最後一段話『阿爸一直影響住你，你去行你嘅路，行一條我唔會再見到嘅路』」

這一份自責，當阿天發現爸爸於她生命中的角色，發現了來自父親的自責。

「 喺最後一刻，阿爸都仍然好似同我上緊一課咁。」

「多謝你一路以嚟嘅訓練。」阿天默默用黑色的盒，把阻力傘收藏好。