冇方向、迷惘、不知所措、老土啲講句呢啲就係青春嘅印記，無論邊一個年代都係一樣。
電影 - ナミビアの砂漠 - 夢遊納米比亞沙漠
20出頭女主角加奈有份工、有男友，仲要好錫佢，但就係唔知點解覺得總係悶悶地，要搵少少刺激，唯有識過另一個，但係原來同另一個一齊嘅時候，又會好似攞苦嚟辛咁，因為落差實在太大，唯有發脾氣攞啲存在感。
導演山中瑤子講咗一個關於佢自己30樓下20出頭年輕女子嘅故仔，絕對相信係佢自己嘅寫照，亦都係好多喺呢個人慾橫流但又無限鬱悶嘅都市故事，再加上一個好有feel嘅女演員河合優實嘅演出，尤其係30開外嘅觀眾，就好似望住嗰一片非洲大陸納米比亞沙漠一樣，透過螢幕睇緊另一個世界嘅羚羊飲緊水。
若果你已經過咗30 ，喺個城市裏面打滾咗好耐，工作到一定耐嘅程度，甚至乎有家庭有小朋友，你或者唔記得自己剛離開學校進入職場嘅時候自己個樣，相信其實邊一個年代，嗰種青春迷惘都係一樣，只不過而家我哋資訊發達而已。
電影入面有個幾喜歡嘅位，就係接近尾聲嘅抽象空間，嗰種抽出嚟再檢視自己人生嘅奇幻空間，好似帶來一啲改變又或者改變嘅動力，又或者正正就係因為唔知道點解會出現咁樣嘅自己而重新去檢視一下，呢種反思行為將會隨着年紀不斷出現，直到一刻你發覺I don‘t care。
最後，筆者都好憎用紙飲管。
有趣嘅電影，推薦。
私は私が大嫌いで、大好き。
2020年代、先の見えない世界の中で、彼女は”今”を生きている。
