做麭

昨暝做麭，不是俗麭喔，內底有食了會肥的正港的麭。

暗頓食煞，規家伙仔坐佇客廳開講、看電視，閣那鑢手機仔，我無張持看著一个做麭的影片，毋免烘爐，干焦電子鍋就會使，想講厝內拄好有材料，管伊已經暗仔，共做麭的家私攢攢出來，佇客廳那開講，雙手那無閒，頭前撋麵粉的工課是攏仝款，上無仝的是上尾仔用咱厝內的電子鍋落去炊，為著欲看有成曷無？我等甲翻點。

這改做麭，嘛有那做那翕相做記錄，萬一失覺察才會知影佗位出箠。雖然誠晏睏，毋過麭有做成無落氣，心內歡喜好睏閣好落眠。