「Tāu-koaⁿ」

Góa ài-chia̍h tāu-koaⁿ M̄-ko m̄-chai sī ùi tang-sî khai-sí--eh M̄-koán chia̍h mī iá-sī phòe chúi-kiáu Siōng-bô mā-ài ū tāu-koaⁿ--si Ū-sî-chūn lâng-kheh siuⁿ-chē hŏng thê-oân--ah Hit tǹg tō nā chhan-chhiūⁿ bô chia̍h--tio̍h Chit-má siūⁿ-khí-lâi Gún a-bú khah-chá mā chin ài-chia̍h tāu-koaⁿ Eng-kai-sī hit-chūn sòe-hàn Tòe i sì-kè-chia̍h-pn̄g, chhit-thô Soah kâng-khoán chia̍h koàn-sì--ah Bô-tek-khak góa chia̍h--ê sī chi̍t-chióng Su-liām ê khì-bī--lah Sui-jiân bô kap i tòa chò-hóe Sim-lāi iá-sī ē khòa-liām...... Chia̍h chi̍t-tè Su-liām ê tāu-koaⁿ