《Bandersnatch》│運命雙叉路？命運連回路？（3）
[Colin] Get a pen.
敢 iáu 會記-leh Stefan koh-chài khe̍h tio̍h offer 了後，行出去辦公室，去予 Colin 問啥物話？Colin 問 Stefan 啥款 ê 音樂 thang 助伊專心做工課？koh 愛伊攑一支筆共建議 ê 歌曲寫落來記 tī 紙頂頭。
現此時店-lìn tng-leh 放送 Kajagoogoo 演唱 ê“Too Shy”.
Stefan 手拈 Colin 分伊 ê 彼張紙條仔，teh chhiau-chhōe Colin 指定 ê 曲盤。
Stefan 用指頭仔 póe, 對其中抽出 boeh 愛 ê 曲盤。
Phaedra [1] 是 He-la̍h [2] 神話體系 ê 其中一个人物。伊是 He-la̍h 第一曠闊 ê 島嶼 Khu-lè-島 [3] 古早代傳說中 ê 國王 Minos ê 第二个 chŏ-囝，是 A-tián-王 Theseus [4] koh 娶 ê 妻。In 之間有生兩个後生，毋過較早 Theseus bat chham Amazones 女王 Hippolyta（有人講是 Antiope）生下 Hippolytus. 而且尾仔伊這个前人囝 koh 去予後母 Phaedra 愛著。
有个版本流傳講，Hippolytus 獻身予 Artemis, soah 去得失 tio̍h Aphrodite, Aphrodite chŏaⁿ 予 Phaedra 去愛 tio̍h Hippolytus, 來懲罰 Hippolytus. 毋過 Hippolytus 毋願接受後母 ê 愛。
Koh 有人 teh 流傳講，Phaedra ê kán-pī 共 Hippolytus 透露講女主人去 saⁿh tio̍h 伊；Hippolytus 共後母拒絕，毋過有 chiù-chōa 講 bōe 向別人講出祕密。為 boeh 報復負心 ê 男子，Phaedra 寫手尾字，予翁婿 Theseus, 白賊講伊不幸去予 Hippolytus 共強，才來自殺，也致使 Theseus 相信後生有共某來欺負。
以早海神 Poseidon bat 賜予 Theseus 三改，共人咒讖 ê 機會，Theseus chŏaⁿ 咒讖 in 囝，害 Hippolytus 一日騎馬去予海獸驚 tio̍h, 摔 teh khô͘-kha, koh 予 tng-leh 傱 ê 馬共伊拖予死……。
也有故事講，Phaedra 原底毋願看 Hippolytus 死，kan-na boeh 共報復，才去向翁婿密報。想袂到 Hippolytus soah 予 Theseus 刣死。Phaedra 感覺真後悔，就追隨 Hippolytus ê 跤步 ka-kī 自殺，等 kah Artemis 將頭尾說分明，Theseus 才對真相有明瞭。
Koh 有人講，Phaedra 向 Theseus 坦白 ka-kī 去愛 tio̍h Hippolytus, 無行短路。抑若共 Hippolytus ê 馬嚇驚 tio̍h--ê, 是 Dionysus 送來 ê 一隻牛。
[1] 古早 He-la̍h 講 Φαίδρα.
[2] 漢語系 tòe 現代 Hellas 國家所講 ê「希臘」；英語 tòe 拉丁語系所講 ê「Greek」.
[3] 希臘語 講 Κρήτη；羅馬化所講 e「Kriti / Crete」.
[4] 希臘語 Θησεύς；拉丁語 Theseus.
Góa 毋敢講這是《Bandersnatch》故事團隊暗藏 ê 一種機關；不而過，在 góa 感覺，Phaedra, a̍h-sī 講濟濟遮的 He-la̍h 神話 ê 人物，in ê 故事去予後代流傳做 kúi-lo̍h 種版本，siu-soah 攏是悲劇，這真拄好 ná-chhiōⁿ Stefan ê 人生，毋管揀佗一條路，攏無法度 thàng 去走揣幸福 ê 路。
我猜想加減有寡人 bat 聽講，足濟船隻 kah 飛行機 tī Bermuda-三角海失蹤 ê 傳聞。實在講，góa 較早 m̄-bat 接觸 tio̍h Tomita ê 作品，kan-na sió-khóa 了解 tio̍h 伊錄這塊專輯 ê 過程中，運用聲音合成器 kā Prokofiev ê hiân-kóng-音樂改編做電子音樂。抑若為-cháⁿ-iūⁿ Tomita 以“The Bermuda Triangle”做主題，這 góa tō koh 愛去探討研究；總是聽曲盤內底收錄--ê, 專輯 ê 名不時 tō teh 向阮暗示，予阮聽 tio̍h chia--ê melody, 遙想汪洋情難禁；ùi 西洋版 ê 唱盤封面來 kā 欣賞，頂頭所畫 ê 環境，是某一个暗暝，tī 大西洋（Tāi-se-iûⁿ）tiŏng Bermuda-三角無海湧，tiām-chih-chih tn̄g-ngó͘-sek-chēng. 波浪起落化無形，只 chhun 海角天邊有一 liàn 銀色月影。烏色 ê hêng-iáⁿ 浮跳出海面，毋知 in 敢是當地 ê hái-khiā teh 四界泅，a̍h-sī 飛行機路經此地 tih-boeh 墜落海底 ê 烏暗城？kah 出航來到 chia ê 船隻仝款，從此失去 in ê 影跡……。
翻頭轉來討論男主角 tn̄g-tio̍h ê 難題這局，伊 chín 手頭有兩塊唱片；
Stefan tng-teh 躊躇，毋知 boeh 揀佗个？
Which Record ? 7-L PHAEDRA Stefan hŏng 註定愛揀倒爿 hit 張《Phaedra》.
Stefan 放下手頭 hit 塊《The Bermuda Triangle》，共《Phaedra》取走。
《Bandersnatch》（Netflix, 2018）
伊原底按算照 Colin ê 建言，來 chia 買佮意 ê 曲盤。毋過仝這个時間 ê 仝一个時陣，Stefan 目 tio̍h 邊仔 ê 冊格仔頂頭，有一本 Jerome F. Davies ê 傳記。 THE LIVES OF JEROME F. DAVIES 《Bandersnatch》（Netflix, 2018）
伊將冊 kah 唱片同齊買落來。Teh 收銀台結數 ê 時，Stefan koh 看 tio̍h chín tng-teh chhèng ê 電腦-giàn-muh, 正是 Colin--ê tī 店頭排第一；看 kah Stefan 心內 koh-khah 向望 chhiōⁿ Colin 仝款，緊共《Bandersnatch》完成，才通好成做一粒一 ê giàn-muh 設計師。 Colin Ritman《METL HEDD》。 《Bandersnatch》（Netflix, 2018）
Isn't he that bloke who went cuckoo and cut his wife's head off ?
坐 tī-leh bá-suh 頂頭，猶未到厝 ê 時陣，Stefan 已經先共 Jerome F. Davies ê 傳記，
ùi 塑膠冊袋仔內底 khe̍h 出來反。 《Bandersnatch》（Netflix, 2018）
伊對 Jerome ê 事蹟真 hòⁿ-hiân, 雖然 khah-chá tō bat 聽講，人 ê 手頭 bak kah 滿是血，精神 koh 悾顛痟痟，毋過 Stefan 猶原 siōⁿ-boeh 知，是 án-nóa Jerome 會 hŏng 害 kah 變成這號形--ê. 伊 ng-ng-iap-iap kā 冊掀開，驚人知影 ka-kī tng-leh 研究 Jerome 這款 ê 爭議人物。
《Bandersnatch》（Netflix, 2018） 看 Jerome F. Davies 本人 ê 相，伊是長頭毛、留厚厚 ê 喙鬚，koh 會噗薰；
面憂面結，毋知伊心肝底藏 gōa-chōe 心事？ 《Bandersnatch》（Netflix, 2018）
Stefan 繼續 péng chu. 後頁一張圖像內底，khô͘-kha 滿是血。邊仔 ê 文字標題寫「6 MIND CONTROL CONSPIRACIES」，意思是講，「心靈 / 心理 控制 ê 種種陰謀論」。 Blood & Mind Control Conspiracies. 《Bandersnatch》（Netflix, 2018） 《Bandersnatch》（Netflix, 2018） Jerome 創作 ê 原版 Pax. 《Bandersnatch》（Netflix, 2018）
到這个坎站，Jerome F. Davies 已經毋但單純是創作《Bandersnatch》ê 小說家，滿腹才華事實講是烏雲罩霧，害 Stefan 一步一步 hŏng 引入去暗淡不明 ê 陷阱中……。 冊內底收錄上嚇驚人 ê 一幕，就是 Jerome kā in 某囝 ê 頭剁予掉，用伊 ê 血 tī 壁頂畫一个真大 ê 雙叉路符號。
《Bandersnatch》（Netflix, 2018）
At home. On his own ?
《Bandersnatch》（Netflix, 2018）
自彼日仔轉厝，Stefan 就一直 bih tī 房間，無暝無日編寫《Bandersnatch》ê code, 安排故事 ê 路徑。 伊先拆開彼張《Phaedra》，kā 曲盤 khǹg teh 唱片機頂頭予伊開始轉、開始播送，
漸漸仔 tòe Colin 推捒 ê 曲，進入音樂內底起造 ê 世界。 《Bandersnatch》（Netflix, 2018） 《Bandersnatch》（Netflix, 2018） Chín 猶是七月時仔，閣有兩個月，交成品 ê 時間才會到。 《Bandersnatch》（Netflix, 2018） 手摺簿仔頂面 ê 紀錄滿滿是，有 Stefan ka-kī ê 理路，
猶有伊親手畫 ê 圖形。 《Bandersnatch》（Netflix, 2018）
1983年七月十七，又閣來到新 ê 一工。 Stefan kā 窗門布搝開，刺鑿 ê 日頭光總算軁入來烏暗 ê 房間底。 《Bandersnatch》（Netflix, 2018） Stefan 逐工過這款起床、服藥、寫 code ê 日子，ná-chhiōⁿ 無了時。 《Bandersnatch》（Netflix, 2018） 猶有 Jerome ê 傳記，予伊足痴迷。 《Bandersnatch》（Netflix, 2018）
Stefan 規日攏 teh chîn 電腦，愛試看覓《Bandersnatch》運作敢有順利。 到這个坎站 giàn-muh 猶未拄 tio̍h 差錯。 《Bandersnatch》（Netflix, 2018）
八月初三，Stefan 毋知去予啥驚 kah 陷眠，ùi 惡夢中精神……。 《Bandersnatch》（Netflix, 2018） 時間來到八月二十。《Bandersnatch》（Netflix, 2018）
Stefan 嘛不時 khe̍h LOOK DOOR, GET KEY 出來掀。 電腦桌邊仔 ê 壁頂頭，記事紙釘 kah 規个。《Bandersnatch》（Netflix, 2018） 《Bandersnatch》（Netflix, 2018）
每一張記事紙當中，雙叉路 ê 符號無所不在。 《Bandersnatch》（Netflix, 2018） 《Bandersnatch》（Netflix, 2018） Yes or No？ 《Bandersnatch》（Netflix, 2018） RIGHT & LEFT, 看你揀正爿 ah 倒爿，故事就會結束。 《Bandersnatch》（Netflix, 2018）
日子 koh 過一個外月--ah. 這改 Peter phâng 一杯茶，入來 Stefan 房間看伊 ê 狀況。 [Peter] Eh, look, I'm going to go to the pub for some lunch. 《Bandersnatch》（Netflix, 2018）
[Peter] - If you fancy tagging along.
[Stefan] No, I'm alright. [Peter] You didn't have any breakfast.
[Stefan] Dad, I'm fine. 《Bandersnatch》（Netflix, 2018）
[Peter] Is everything alright ?
《Bandersnatch》（Netflix, 2018）
Stefan 毋願聽 Peter ê 言語，chòe 伊 chhi̍h 齒盤試驗，予《Bandersnatch》走看覓。 伊目睭掠電腦螢幕金金看，緊張 kah 攑手指頭仔起來 khè 指甲。 《Bandersnatch》（Netflix, 2018）
[Peter] Stefan, I'm worried about you.
You've been stuck in your loom for weeks. Giàn-muh ê 起頭畫面。 《Bandersnatch》（Netflix, 2018）
[Peter] - Stefan ? Will you talk to me ? 想袂到電腦走 kah 一半，雄雄 soah 來 sio͘h-to͘h. 《Bandersnatch》（Netflix, 2018）
[Peter] - Look, I can't help if you just sit there and don't speak.
Chín giàn-muh to 已經走失敗--ah，Stefan 猶閣聽 tio̍h in 爸 tàm hia thi̍h. 伊 hŏng jû kah 毋知影後一步 án-nóa 做？
- THROW TEA OVER COMPUTER？ SHOUT AT DAD？
Throw Tea or Shout? 8-L THROW TEA OVER COMPUTER Stefan 一時 chhóng-pōng, 規氣 kā in 爸 phâng 來 ê 牛奶倒 tī 齒盤 hin.
伊這一個外月 ê 心血，到今規个烏有去……。 《Bandersnatch》（Netflix, 2018）
[Peter] Stefan, what the hell are you doing ? That's all your work ! 咱嘛目睭金金看 Stefan 將 ka-kī ê 作品毀害去。 《Bandersnatch》（Netflix, 2018）
[Cut black]
9-GO BACK 系統愛 Stefan koh 轉來選擇一改。
《Bandersnatch》（Netflix, 2018） Stefan 予眼前 ê 困境舞 kah 心肝挐-chháng-chháng.
聽 in 爸 tī 耳空邊 thi̍h 半晡，眼神現出滿腹 ê 怨恨。 《Bandersnatch》（Netflix, 2018）
- THROW TEA OVER COMPUTER？ SHOUT AT DAD？
這改敢 koh boeh 用牛奶茶沃電腦齒盤？
Throw Tea or Shout ? 10-R SHOUT AT DAD Stefan 吞忍 bōe 牢，起身越頭對 Peter 大細聲 jiáng ….
《Bandersnatch》（Netflix, 2018） [Stefan] Dad, just fuck off ! 《Bandersnatch》（Netflix, 2018）
Stefan kā 老爸唱聲講叫伊緊恬去了後，隨感覺 ka-kī 無對同。
伊 kā 態度放予落軟，向 Peter 講歹勢。 [Stefan] - I'm sorry. I'm… I'm just… 《Bandersnatch》（Netflix, 2018）
[Stefan] - I'm - I'm just stressed. Peter 無愛 koh 聽 Stefan 解說，嘛無 kā 罵無 kā 嚷，
kan-na 態度冷淡，叫後生這馬 tòe 伊出去食飯。 《Bandersnatch》（Netflix, 2018）
[Peter] Get your coat. We're going for lunch. Stefan iáu teh 反抗，毋願遵照 in 爸 ê 指示。 《Bandersnatch》（Netflix, 2018）
[Stefan] Dad, I need to finish this.
Peter 無 teh 插 Stefan 有 gōa-nī-á 堅持，伊 koh 一改下命令。 《Bandersnatch》（Netflix, 2018）
[Peter] - And we'll go in the car.
Stefan hŏng 註定愛揀倒爿 hit 張《Phaedra》.Stefan 一時 chhóng-pōng, 規氣 kā in 爸 phâng 來 ê 牛奶倒 tī 齒盤 hin. [Peter] Stefan, what the hell are you doing ? That's all your work !
[Cut black]
9-GO BACK 系統愛 Stefan koh 轉來選擇一改。
《Bandersnatch》（Netflix, 2018） Stefan 予眼前 ê 困境舞 kah 心肝挐-chháng-chháng.
聽 in 爸 tī 耳空邊 thi̍h 半晡，眼神現出滿腹 ê 怨恨。 《Bandersnatch》（Netflix, 2018）
- THROW TEA OVER COMPUTER？ SHOUT AT DAD？
這改敢 koh boeh 用牛奶茶沃電腦齒盤？
Throw Tea or Shout ? 10-R SHOUT AT DAD Stefan 吞忍 bōe 牢，起身越頭對 Peter 大細聲 jiáng ….
《Bandersnatch》（Netflix, 2018） [Stefan] Dad, just fuck off ! 《Bandersnatch》（Netflix, 2018）
Stefan kā 老爸唱聲講叫伊緊恬去了後，隨感覺 ka-kī 無對同。
伊 kā 態度放予落軟，向 Peter 講歹勢。 [Stefan] - I'm sorry. I'm… I'm just… 《Bandersnatch》（Netflix, 2018）
[Stefan] - I'm - I'm just stressed. Peter 無愛 koh 聽 Stefan 解說，嘛無 kā 罵無 kā 嚷，
kan-na 態度冷淡，叫後生這馬 tòe 伊出去食飯。 《Bandersnatch》（Netflix, 2018）
[Peter] Get your coat. We're going for lunch. Stefan iáu teh 反抗，毋願遵照 in 爸 ê 指示。 《Bandersnatch》（Netflix, 2018）
[Stefan] Dad, I need to finish this.
Peter 無 teh 插 Stefan 有 gōa-nī-á 堅持，伊 koh 一改下命令。 《Bandersnatch》（Netflix, 2018）
[Peter] - And we'll go in the car.
系統愛 Stefan koh 轉來選擇一改。Stefan 吞忍 bōe 牢，起身越頭對 Peter 大細聲 jiáng …. Stefan kā 老爸唱聲講叫伊緊恬去了後，隨感覺 ka-kī 無對同。
伊 kā 態度放予落軟，向 Peter 講歹勢。
[Stefan] - I'm - I'm just stressed.
[Peter] Get your coat. We're going for lunch.
[Stefan] Dad, I need to finish this.
Peter 無 teh 插 Stefan 有 gōa-nī-á 堅持，伊 koh 一改下命令。
[Peter] - And we'll go in the car.
分享至
成為作者繼續創作的動力吧！
© 2024 vocus All rights reserved.