在香港每年的九月開學時，電視台的新聞都常常提及有父母帶小朋友返學的報導。不過電視片段似乎沒有幾何提及大專院校的開學情況，可能是每間大學或專上院校的問課日期不同。
通常大專院校都會透過電子方法在開學前一星期左右將課堂的時間表通知學生，為安全起見，我們更會在學系的General Office前張貼上課時間表。以往學生通常都好鬼醒目，駛鬼返嚟先睇，一入校門就自己去到課室等上堂。
好景不常，近幾年我地開學日，竟然要安排教員輪流在General Office外或走廊當值，學生睇唔明其實可以係櫃位問Admin Staff，教學人員企係度攪到個場有如中小學校園一樣。不過算了吧，點都係工作啫，學生問問題咪答佢囉!
可是當值時總有一些家長走嚟問野，班怪獸家長實在太強了!
「我想問中間轉堂時佢地會去邊?」
轉堂，你當呢度小學校園? 要唔要伏係張枱度! 小息時打預備鐘要定格唔郁?
「點解中間的空堂時間有咁多?」
咁咪啱囉，用嚟傾Present或者泡妞先一流啦!
「Canteen啲野食唔啱食，我地帶飯俾佢，呢度有冇微波爐叮飯?」
我叮你吖，佢仲唔去唱K-Lunch!
「佢18歲啦，我想佢考到車牌買架車俾佢，有冇免費泊車?」
有，你摺埋架車拎埋上課室啦!
放過我啦，我發惡夢啦!
-------------------------------------------------------------------
請看官來facebook給我一個讚吧!
------
