編輯嚴選

暝就欲共無站無節的烏色棚仔搭好矣

我無遐爾仔先進，我的腦，可比電腦彼款，共走揣的功能揤落去，鋩角字拍起去，就會當揣著欲挃的檔案資料。彼袂輸佇圖書館消失去的舊式卡片目錄，我的腦，定著共猛掠的指頭仔佮老步定的經驗相敆，滒著紙魚仔味的記持才會寬寬仔抽出來。

想起頂改𨑨迌的記持，講甲假仙咧，是頂改的流浪，跤步拖提按漉糊糜路的盡尾對我這爿面行來，猶留賰喘氣聲沓沓滴滴提醒我彼改𨑨迌的過程、遭遇、心情和蹊蹺的收成。

假使毋是好意，就是凶巴哩貓，彼座城都，毋是，是大粒的庄頭，彼个先進文明有「落伍」形容詞崁起去的所在，街仔路是日本清氣規矩的顛倒爿，物產收分的速度親像尖峰時段的大都會交通，日時的犯罪率是空，暗時全趖出來若屎礐仔蟲。豬仔、番麥、劇毒刺䲅閣有法力消退的咒語攏會當用螺仔殼來買，部族南北二路而來，薰烘狗族、孤角牛族、焦塗族、半死人族、挩窗交懍恂族、巨大思維族定定來遮開講、展寶、刺探和相戰。這箍圍仔無蓋闊，日頭佇天頂行二十分之一，庄仔頭拄仔好踅一輾。

某乜食血族的少年家共雞鵤仔的頭捏牢牢，雞頷頸的毛去予掣了了，一支刀對腰抽出來，金爍爍，對雞頷頸遐huê過去，暗頭仔的地平線染一下血揌揌，彼時我拄好到庄頭。

街仔路的人是愈來愈少，排擔仔的販仔招我來買彼支幼工華采的下身筒仔，彼物件我毋捌看過，煞想起祖國彼位偉人的一生，我比指頭仔，價數出甲真低，販仔幌頭──遠兜有鈴仔聲，我踅身就來行，佇烏暗欲共無站無節的烏色棚仔搭起來進前，緊揣所在來覕，若無邪罪隨像密婆，按濕澹的山洞傱出來，去喢僥倖的蠓蟲。

現代科技文明猶未大量植入的角頭，光景看予遠定著是一沿一沿相疊真媠氣，光生的透早閣有紅艷艷鳥仔毛彼款的黃昏。我共窗仔門關予峇，回轉來看我暫歇的呼䖙魯（Hotel），暗趖湳狹，那親像予火山烌埋過彼款，我䖙踮𣻸漉漉帶臭酸味的綿襀被頂頭，毋敢挔來崁，驚生菇，我目睭𤲍起來，想著一本詩集的冊名，紲來佇這改的旅行中去想頂一改的旅行，藏意識的覕，感覺強欲無法度喘氣矣，金金看彼个勻勻仔浮起來的大粒水沫、海䖳，戰艦的破枝骨𩛩戰機的車葉仔。

遠遠有海螺仔聲咧歕，通知庄頭所有的活物，包涵我這个出外的𨑨迌人：暝就欲共無站無節的烏色棚仔搭好矣。

我可沒哪麼先進，我的腦，如同電腦一般，按下搜尋功能，鍵入關鍵字，就可以找到需要的檔案資料。那無寧如消失於圖書館的舊式卡片目錄，我的腦，需靈巧的手指佮老到的經驗配合，回憶才會帶著蠹蟲味緩緩抽出。

關於上次旅行的回憶，矯情地說，是上次的流浪，步履蹣跚自泥巴路的盡頭向我走來，猶帶喘息聲斷斷續續提醒我那一次旅行的行程、遭遇、心情和奇異的收穫。

如果不是友善，便是惡形惡狀，那座城市，不，是大型的村落，那處先進文明冠上「落後」形容詞的地方，街道是日本乾淨秩序的另一端，物質集散的速度如尖峰時段的大都會交通，犯罪率在白天是零，晚上則滿溢如廁所的蛆蟲。豬隻、玉米、劇毒河豚還有法力消退的咒語都可用貝殼購得，部族四面八方而來，煙燻狗族、獨牛角族、乾泥巴族、半死人族、斜眼哆嗦族、巨大思維族常來此聊天、炫耀、刺探以及戰鬥。這地方不大，太陽走天空的二十分之一，村落恰可步行一周。

某食血族的青年緊抓公雞的頭，雞脖子上的毛被拔得一乾二淨，一把刀從青年的腰間抽出，亮晃晃的，往雞脖子橫向一劃，傍晚的地平線便染上血紅，正是我到達村落之時。

街道的人逐漸稀少，擺地攤的小販向我兜售精雕細琢的下體護套，那東西我從未見過，卻讓聯想起祖國那位偉大的一生，我比出手指頭，出價極賤，小販搖頭──遠處有鈴聲，我轉身就走，在黑暗即將搭起無邊無際的黑色帳棚之前，趕緊找到棲身之處，否則罪惡將如蝙蝠，自陰濕的山洞瘋狂飛出，覓食弱小的昆蟲。

現代科技文明還未大量植入的此處，遠望的風景總是特別有層次，乾淨的早晨以及鮮豔鳥禽羽毛般的黃昏。我將窗戶關緊，回顧我暫棲的旅館，暗黑湫隘，好似被火山灰掩埋過，我躺在潮濕帶酸味的棉被上，不敢拿來禦寒，唯恐霉菌上身，我闔眼，想起一本詩集的名稱，於是在這次旅行中回憶上一次旅行，潛入意識的平面下，感到呼吸困迫，看到悠悠浮升的巨大泡沫、水母，戰艦的殘骸保藏戰機的螺旋槳。

遠處有海螺聲吹響，通知村莊所有的活口，包括我這異鄉的旅人：夜已經搭好無邊無際的黑色帳棚。

2003.09.華語完稿