2020年8月12日
大陸人所擁有的自由是由國家給予的！我呸，是領導給予的，你看看維尼，維尼有什麼得罪你？你唔禁埋跳跳虎！
註：影片取自網絡/東網那香港的自由，現在萎縮到什麼地步我唔知，無人可以講到出黎。我怕好快就連上網都沒有自由，就好似那位被譽為民主女神的周庭小姐，因為在網上的言論而被捕，咁即係點，當你對某某領導不滿，寫左上網，咁你咪分裂國家囉，如果有外國人應你機讚你好，就即係勾結外國勢力囉。喂！大佬呀，你即係叫人唔好講嘢啦。這不正是言論打壓嗎？唔係事實，無理無據，有人會信嗎？好明顯有人不肯接受批評，講你又唔聽，聽你又唔做，做你又做唔好，就因為你從來都唔聽人講。講一套，做一套。
忽然間閃過，點解咁似啲日本人，係係係…，遵命遵命…，上級叫你咁做，你就咁做，但係又唔似得人哋咁，衰左去跳樓。正苦成日要我地互相包容，接納不同聲音，種族，原來係包無能嘅正苦官員。
相信香港隨時會加防火牆，進一步控制我地成日覺得必然既自由。要加防火牆好容易，而且可以不知不覺間加左你都唔會知。網上傳聞已有很多人開始為翻牆做好準備。香港會唔會好似大陸城市咁連上吓面書都唔得呢？身為一個小市民，莫過於反工等出糧，閒時上上網，或者吃喝玩樂玩呢五大訴求，但係而家，出街驚變暴徒，講嘢大聲啲驚畀人私了，唔覺意講句毅進仔變公眾地方行為不檢被拘捕，即係留响屋企唔使出街啦！咁個屋企喺邊度都無所為了，不過我覺得最重要一點係我唔想再交稅畀班仆街出糧，真真正正貼錢買難受。
