紅魔鬼賽後評
1. 而家睇曼聯踢英超，都真係無欲無求囉，最緊要唔好再有人傷，留返啲力去踢場足總盃決賽力求爆大冷，至於聯賽有冇歐霸甚至歐協聯踢，其實都好似無關痛癢咁。
2. 上次屌還屌，但曼聯入到足總盃決賽畢竟都係件開心事，冇錯對高雲地利70分鐘之後係柒，但係都唔可以抹殺班球員一路走黎既努力，尤其是八強果場真係將士用命，發揮出超水準，先可以淘汰果陣仲係非常強勢既利物浦。
3. 雖然華舒福新加入十字軍，但係麥湯文尼同安拉拔都可以及時復出，先列後備。
4. 後防依然係重災區，繼續係得返麥佳亞一個正中堅，卡斯米路繼續需要客串，其實唔知點解我睇到個出場陣容既時候都有啲唔太好既預感。
5. 不過上半場整體黎講其實係踢得非常之好，如果唔係加拿祖兩次單刀唔入、而賀龍果次單刀控多咗腳搞到比三個後衛追到硬射得好一般，曼聯上半場可以入四粒。不過呢個問題由上季講到而家，暫時都未係好解決得到，而今季既情況其實仲衰，因為我覺得今季好多時候係連機會都創造唔到。
6. 響呢個時候近期好穩定既奧拿拿突然自爆，將腳波傳比對面，睇慢鏡達洛治冇為意反應我諗只係慢咗一拍，就比對手衝到過黎搶咗單刀射入。屌，點解人哋啲單刀咁易就入，我哋就個個都射落龍門度既。
7. 呢球我覺得達洛治同奧拿拿都有責任，後者既責任當然仲大，但都要比返credit對手，佢係響畫面睇唔到既地方後發先至搶先達洛治一步射入，唔勤力、冇準備(即係好似華舒福咁)係唔會做到既。
8. 半場前帶傷上陣既麥佳亞接應加拿祖傳中，以一比一返入更衣室。麥佳亞卸下咗隊長臂章之後唔知係咪心理壓力細返好多，今季(尤其係下半季)既發揮真係超級好，關鍵時候救咗曼聯唔少次。
9. 正當你以為下半場曼聯可以延續上半場個氣勢既時候，後防又一次眼神防守(今次係卡斯米路同埋艾歷臣)巴列頓，比佢射成一比二。
10. 呢段時間反而係最難捱，再一次領先幫錫菲聯打咗支雞血，佢哋呢段時間防守得好好，曼聯反而唔能夠好似上半場咁做到太多有效既攻勢，好彩係一次角球攻勢搏到球十二碼，由般奴射入。
11. 其實呢球十二碼出現之前，達洛治已經將個波送咗入網，我見球證猶豫咗一陣先叫般奴埋去射，我記得好似有條球例係入咗波先有十二碼既話應該係count入波先？可能係球證呢下吹得太早啩。幾驚般奴射唔入，咁樣就真係蝕晒。
12. 之後錫菲聯既防守其實都維持到個紀律，曼聯雖然有攻勢，但係並冇特別有威脅既攻門，直至81分鐘，般奴射咗個世界波先至幫曼聯反超比分。
13. 之後錫菲聯既後防就散囉，賀龍接應咗般奴既傳送埋齋，為曼聯錦上添花，般奴亦都第一次為賀龍獻上助攻。
14. 今日見到雲比沙卡返咗去右閘位置係明顯舒服返好多，達洛治打左閘既適性始終都係好過雲比，一場半場重點招呼對面可能OK，但長期踢既話就會係咁出醜。
15. 另外，雖然表現都唔算話好突出，但係戴亞路既表現依然係比安東尼出色，當然安東尼響對車路士果場踢得勁好，不過如果佢唔可以保持住穩定既，我覺得用多啲Amad都唔壞。
16. 艾歷臣今場重回正選，進攻方面啲傳送做到嘢，但防守方面好似始終都係爭啲，失第二球佢冇留意冇follow巴列頓冇補防(當然客串中堅既卡斯米路退得太入出唔切黎都係另一個問題)，有傳佢因為冇正選，季尾準備離隊，睇黎如無意外佢響曼聯既日子都進入倒數階段嘞。
17. 今場冇咗福仔，攻勢意外地流暢咗，加拿祖響左路大活躍，亦交出咗一個助攻，雖然啲比波同傳波仲爭少少火喉，但假以時日，佢保住個良好心態進步既話，總有機會成大器。
18. 賽後反壓同日輸波既紐卡素升上第六位，但都係果句，英超都無欲無求，但求成班人健健康康，可以出戰足總盃決賽，踢場好波就好了。
#不專業足球筆記 #足球專欄 #專欄 #我愛紅魔鬼 #英超
#紅魔鬼賽後評 #MUNSHU #曼聯 #錫菲聯 #足球 #賽後評
#英超賽後評
更多專欄內容︰ https://www.leafopenleafopen.com/unprofessional9up
更多小說內容︰ https://www.penana.com/user/52938/%E8%91%89%E9%96%8B%E8%91%89%E9%96%8B/portfolio
廣告時間 -
ig: leafopen3
instagram.com/leafopen3
fb: leafopenleafopen
facebook.com/leafopenleafopen
方格子︰ https://vocus.cc/salon/leafopenleafopen
如果有興趣睇下我既其他寫作作品，可以上 leafopenleafopen.com 或者 https://www.penana.com/user/52938/%E8%91%89%E9%96%8B%E8%91%89%E9%96%8B
如果覺得我寫嘢OK想請我飲杯咖啡支持下我既，可以上 https://www.penana.com/membership_plan?id=52938 或者 https://m.penana.com/stream?id=52938
