紅魔鬼賽後評
1. 賽前曼治又傷，加加埋埋咁多個傷兵，根據大神Fabrizio Romano之前響曼治受傷時提供既資料，曼治係曼聯今季第68名separate case既傷員，我哋響傷員名單上先大勝一仗！早幾日放風話已經復操既華舒福、般奴同埋麥湯文尼，最後得麥湯趕得切復出，仲要一黎就正選，但可能都係逼住要出場，表現都係好麻麻，冇乜威脅。
2. 不過觀乎今日整體既表現，其實真係收貨喇，賽前預計我悲觀少少，諗住輸少三球都當贏，但最後只係輸一球，仲要有唔少攻門，都真係收貨。
3. 唔係講笑啊，睇埋正選加後備名單，除咗場上果11個之外，後備得艾力臣同安東尼兩個場區球員係一隊，然後卡斯米路同埋伊雲斯呢對被虐老既中堅繼續振守後防，面對夫添既阿仙奴，我係諗緊踢閪咩。
4. 成場波黎講，我諗曼聯頭十五分鐘都踢得幾唔錯，仲有幾腳唔中目標既攻門，但之後就比阿仙奴搶返唔少攻勢，然後二十分鐘就把握曼聯一次失誤打開紀錄。
5. 呢球奧拿拿同卡斯米路都有啲責任，奧拿拿斬得太急，見唔到右面有卡斯米路幫，比人截到打反擊，而我睇直播果陣心諗乜唔係越位咩，但原來奧拿拿斬完波之後卡斯米路仲響度踱步包晒越位(其實唔係包好多，佢肯走快兩步對手應該越咗)，就係咁樣比人傳中撞入。
6. 唉，都明知卡斯米路係客串中堅，龍門開長之後即刻散上前呢啲sense都冇(或者唔係冇，而係當下冇為意)，都唔知屌唔屌佢好…同埋佢除咗呢球之外，整體唔算太差，只係有時真係一球就足以致命。至於奧拿拿響場比賽後段尤其是下半場起碼救咗三球靚波，其中雲比沙卡近門差啲擺烏龍果球更加算係神救級。都係果句，限米煮限飯，心酸多過想屌。
7. 上下半場其實曼聯都有唔少埋門機會，但得罪講句，全部都係隔靴搔癢，最有威脅都係加拿祖殺入禁區意外地無人看管，點知佢射咗上看台…反而阿仙奴啲反擊仲有威脅，不過今日防守都叫做得唔錯，其中防中位置今季比人屌得好多既安拉拔防守做得好唔錯(雖然依然係好多低級誤傳)，所以都頂得住，只係失一球。
8. 話說回來，其實阿仙奴應該都係有心收後條防線，想保住一球既勝果，如果佢哋真係要攻既，曼聯未必守得住，但調轉阿仙奴入波後繼續強攻後防隨時會有唔少空位比曼聯反擊。對付今季響大戰之中多次響防反取得入球既曼聯黎講，入一球再收後防線反而係一個幾唔錯既戰術，君不見曼聯啲所謂攻門其實都係冇乜威脅架咩？
9. 就結果論而言，呢個做法係成功，曼聯空有射門機會，但真係有威脅既埋門，我覺得係零，而阿仙奴都順利全取三分。
10. 進攻方面，曼聯都冇乜得講架喇，限米煮限飯，睇得出加拿祖同戴亞路兩個後生仔都係有啲威脅，但兩個同樣都欠缺火喉，最後做決定既時候一係就做錯，一係就射同傳都做得唔好。不過都冇得對佢哋咁harsh既，本身都冇諗住要佢哋兩個後生仔孭重飛，今日場波以佢哋既年紀黎講算唔錯架喇，希望佢哋之後會有進步喇。
11. 不過Amad響呢場比賽入面又受傷，照第一段大神既統計，Amad就係第69個separate case既受傷個案…
12. 英超真係唔重要喇…最重要既係足總盃決賽，究竟響足總盃決賽之前，曼聯最後有幾多個傷兵係可以復出到去迎戰呢場今季最重要既賽事？
#不專業足球筆記 #足球專欄 #專欄 #我愛紅魔鬼 #英超
#紅魔鬼賽後評 #MUNARS #曼聯 #阿仙奴 #足球 #賽後評
#英超賽後評 #又有人傷 #我屌你老母
更多專欄內容︰ https://www.leafopenleafopen.com/unprofessional9up
更多小說內容︰ https://www.penana.com/user/52938/%E8%91%89%E9%96%8B%E8%91%89%E9%96%8B/portfolio
廣告時間 -
ig: leafopen3
instagram.com/leafopen3
fb: leafopenleafopen
facebook.com/leafopenleafopen
方格子︰ https://vocus.cc/salon/leafopenleafopen
如果有興趣睇下我既其他寫作作品，可以上 leafopenleafopen.com 或者 https://www.penana.com/user/52938/%E8%91%89%E9%96%8B%E8%91%89%E9%96%8B
如果覺得我寫嘢OK想請我飲杯咖啡支持下我既，可以上 https://www.penana.com/membership_plan?id=52938 或者 https://m.penana.com/stream?id=52938
