●我行到公車牌仔的所在，
有一个查某人嘛拄好行到遐，伊問我：「有到XX站的小巴嗎？要回台北的站。」
我看伊是外省人，規氣講華語：「有，就是這裏。」「是幾號呢？」
「112，你看站牌上的號碼。」伊毋看，干焦看我的面。
「是喔！那以後就可以坐了。」
「牌子上面有時間表。」我閣指牌仔，伊嘛無看，干焦看我。煞煞去矣！欲看、毋看隨在伊，車嘛來矣！
有的人是用聽的，較明白，若我是愛看著字才算是。
●閣一擺，我到公車牌仔的所在，已經有２个人咧等，
彼个查某人問我：「我已經等了半小時了，公車還沒來。」佮伊來往講幾若句，伊講：「９點06分從總站開，開到這裏XX分，我YY分就在這裏等了……」
我講：「９點06分是這站的時間，它寫的比較早，總站９點開，最快是７或８分，通常是10分或12分到。」
「那就是我到的時候，車子跑掉了。我以為是總站開的時間，之前很幸運，都有搭到。」
「因為這個時間15分那班沒有，所以你要等半小時。」伊知影矣！毋知誤會外久？
●佇台北站，服務人員咧喝：
「補位，想提早搭的人可以補位上車。」
有一个查埔人講：「我的車班快來了，我等下一班。」
服務人員講：「現在車班誤點，下一班不知道什麼時候會到，你還是先上車吧！」
伊干焦看伊彼班時間咧欲到，無注意著車班慢誠濟分。
●服務人員交待欲補位的查某人：
「這班車到佛光大學，你要在礁溪站下車的話，進站前要拉鈴。」彼个人無反應，無表情，閣說明二、三攞。彼个查某人講：「我不要坐了。」共票收轉來。看起來，彼个交待伊聽無，規氣莫坐。
●公車咧欲到捷運科技大樓站，
有一个查埔人雄雄欲落車，喙內講：「這麼晃到公館不知道要多久？下車搭捷運。」伊已經徛佇門口，門開，欲落車，我袂赴共講：「到公館十多分鐘，你轉捷運，半小時都到不了。」嘛予伊家己試看覓，我就無講。
毋是看著「捷運」，就是「較緊」的意思，愛看欲去佗位？去公館捷運愛踅誠遠，閣換２種線，佇站內行路就了誠濟時間，伊若欲轉捷運，頭拄仔大安站就愛落車去盤車。坐到遮，閣愛坐倒轉去。
●我咧等公車，彼站嘛有客運車，
彼當時，目睭前停２台大客運車，欲坐公車的人，攏愛行到客運車的尻川後攑手，才坐會著。
有一个查埔人徛佇公車牌仔的正頭前，拄好是客運車的腹肚中央，伊的某叫伊行到客運車的後壁等公車，伊講：「它會停在這裏。」閣用手指伊面前頭的塗跤，看著公車已經來矣！大客運車猶無欲開的意思，公車是欲按怎停佇伊的面前頭？落尾伊猶是予in某叫去客運車的後壁等車。
●我家己拄著。公車牌仔的頭前停一台客運車，
客運車的後壁猶有車停佇路邊，無夠停一台公車的空縫，我猶原佇客運車的尻川後攑手，公車無停，是按怎無欲插我？看伊停佇客運車的頭前，有人咧落車，我走過去，伊無等我，開走。佳哉，另外一路車３分鐘後到，我無等傷久。
原來，毋是佇客運車的尻川後攑手就好，愛看情形，頭前嘛會使停。愛隨時變巧就是。
活咧現代誠無簡單，
出門就有真濟的資訊，各種規則、規定定定出新的，抑是變來變去，老歲仔人的反應較慢，舊的規則記較牢，有當時仔愛拄幾若擺才會慣習。
