嗨我是淳，
不曉得你們是不是曾經在學習英文時，常常被時態搞得暈頭轉向？
不管是準備客語認證考試還是其他語言考試，時態都是相當重要的
如果你也正在準備客語認證考試，不要錯過這篇文章啦~
時間（稱很早之前、一段日子）
- 上早 song zoˋ →稍早、早先;指很早以前，甚至是古代
- 例句: 上早𠊎正同妳講愛記得去買豆油，你又毋記得吔
- 早先 zoˋ xienˊ →先前
- 例如：上禮拜你就知有事情愛處理，你早先仰無講愛請假?
- 到今 do gimˊ【do ginˊ】→至今
- 例如：阿國去買豆油，到今吂（毋曾）轉（歸），係瀉去哪？
- 現之時 hien ziiˊ siiˇ→當今
- 例如：手機仔功能盡多，現之時老嫩大細儕儕（每一個人）都離毋開佢咧（吔）！
- 曩日【弄擺】 nun ngidˋ【nung baiˋ】→往日、以前
- 例如：曩日（弄擺）係阿成拜伯公，今這下佢過身吔，下二擺換麼人拜？
- 頭過 teuˇ go→頭過無電視好看。
- 例如：以前沒有電視可以看。
- 往時 vongˊ siiˇ→以往、往昔
- 例如：往時醫學無恁發達，想愛壽年高無恁該（簡單）
- 老時 loˋ siiˇ→舊時
- 例如：佢十分做家，屋下裡肚有兜老時个家具都毋盼得攉忒
- 上站仔 song cam eˋ【song zam eˊ】→前一段日子
- 例如：上站仔還有看著阿松伯，仰會好恬恬就過身吔？
- 一站仔 idˋ cam eˋ【idˋ cam eˊ】→一段距離或一段時間
- 例如：阿哥做兵个時節，識在金門戴（歇）過一站仔時間
- 這駁仔 iaˋ bogˋ eˇ【iaˋ bogˋ eˋ】→這陣子
- 例如：這駁仔菜價又起吔。 這陣子菜價又漲了。
- 半中央【半中間】 ban dungˊ ongˊ【ban zungˊ gianˊ】→指一段時間或空間上的中間位置
- 例如：佢洗身仔泅到半中央（半中間），腳嗄勼筋
時間(與整年、整天相關)
- 透長年 teu congˇ ngienˇ【teu congˇ ngianˇ】→經年累月
- 例如：佢透長年在外國做生理，淨過年掛紙正會轉（歸）臺灣
- 一年透天 idˋ ngienˇ teu tienˊ【idˋ ngianˇ teu tienˊ】→一年到頭
- 例如：佢當（蓋）砸，一年透天就著短袖。 他很強壯，一年到頭都穿短袖。
- 長年透天 congˇ ngienˇ teu tienˊ【congˇ ngianˇ teu tienˊ】→整年，一年到底，經常；也可說「一年透天」
- 例如：阿樹長年透天在外國做事罕得轉（歸），厥細人仔強強會認佢毋識吔！
- 一日到暗 idˋ ngidˋ do am→從早到晚、一天到晚
- 例如：毋好一日到暗掌等電視，目珠會看壞忒（壞核）
- 日合夜【日帶夜】 ngidˋgagˋ ia【ngidˋ dai ia】、透日透夜 teu ngidˋteu ia→日日以繼夜
- 例如：毋好日合夜搞電腦，身體會搣壞忒
- 日夜ngidˋia→白天和晚上，泛指全天
- 例如：厥嬰兒正出世，日夜都愛人照顧，哪走得開腳？ （她的寶寶剛出生，整天都要人家照顧，怎麼走得開？）
- 隔日 gagˋngidˋ→隔天
- 例如：阿姊今晡日下南，隔日就會轉來（歸來）。 姊姊今天南下，隔天就會回來。
- 間日 gam ngidˋ→隔一天
- 頭那毛間日洗一到就好。 頭髮隔一天洗一次就好。
- 當日（本日） dongˊ ngidˋ (bunˋ ngidˋ)→當天
- 例如：當日去，當日轉（歸）。 當天去，當天回。
- 日日 ngidˋ ngidˋ→每天、天天
- 例如：阿書日日打早就去運動，毋識推懶
- 日把仔 ngidˋ baˋ eˇ【ngidˋ baˋ eˊ】→一天左右
- 例如：該領衫，愛過日把仔正做得好
- 一對時 idˋ dui siiˇ→二十四小時，即一整天
- 例如：這膏藥貼落去，愛經過一對時正好換
時間(指一天當中)
- 一晝邊 idˋ zu bienˊ→大約半個白天的時間
- 例如：這毋使用著歸日仔，差毋多一晝邊就做得好
- 半晝邊仔 ban zu bienˊ eˋ【ban zu bienˊ eˊ】→半個早晨的光景
- 例如：阿姆去街項，半晝邊仔就會轉來（歸來）
- 七早八早 qidˋ zoˋ badˋ zoˋ→形容很早
- 例如：佢戴（歇在）山肚，逐（每）朝晨為著赴車（車仔），七早八早就愛䟘床
- 天大光 tienˊ tai gongˊ→天已亮，喻時間不早了
- 例如：天大光還毋䟘，你想愛睡到日頭晒屎胐係無？
- 吂得時 mangˇ dedˋ siiˇ→早得很。
- 例句：吂得時啦！定定仔來。 還早得很啦！慢慢來。
- 早兜仔 zoˋ deuˊ eˋ【zoˋ deuˊ eˊ】→早一點。
- 例句：早兜仔轉來（歸來）！莫尞到（尞啊）毋知好轉（歸）。 早點回來！不要玩到忘記回家。
- 早早仔 zoˋ zoˋ eˇ【zoˋ zoˋ eˊ】→還早得很
- 例如：佢四點就到棒球場，離比賽開始還早早仔
- 趕早 gonˋ zoˋ→趁早、及早
- 例如：愛出去尞還毋趕早，毋驚塞車係無？ 要出去玩還不趁早，不怕塞車是嗎？
- 天甫光（甫白光） tienˊ puˋ gongˊ (puˋ pag gongˊ)→天略微亮
- 例如：天甫光（臨天光）定定，阿公就去公園運動
- 臨天光仔（天曚光） limˇ tienˊ gongˊ eˋ (tienˊ mungˇ gongˊ)→黎明
- 例如：臨天光仔就愛準備去掛紙。 黎明時就要準備去掃墓。
- 朝晨 zeuˊ siinˇ→早上
- 例如：阿公逐（每）朝晨去公園運動。 爺爺每天早上去公園運動。
- 半晝半暗 ban zu ban am→指上午九、十點或下午三、四點的時候
- 例如：嬰兒仔當會大个時節，半晝半暗都愛食點心正罅
- 半晝前後 ban zu qienˇ heu→大約十點左右的時候
- 例如：這下係工業社會，一般人家半晝前後旦勢（大部分）無人在（現在是工業社會，一般住家大約十點時的沒人在家）
- 臨晝仔（臨晝邊、臨晝頭）【當晝邊】→limˇ zu eˋ (limˇ zu bienˊ、limˇ zu teuˇ)【dongˊ zu bienˊ】
- 例如：臨晝仔（當晝邊）愛去領錢（近中午時要去領錢）
- 當晝心【透當腦晝】 dongˊ zu ximˊ【teu dongˊ noˋ zu】→正午時分
- 例如：當晝心（透當腦晝）莫在外背晒日頭（正午時分不要在外面晒太陽）
- 當晝頭dongˊzu teuˇ→正中午
- 例如：當晝頭毋睡當晝，走出去拈揚尾打草蜢，皮弓較緪兜仔（正中午不睡午覺，跑出去遊蕩玩耍，皮繃緊一點。）
- 七晝八晝 qidˋ zu badˋ zu→太遲了，比預期時間超過太久，一般用在上午時段
- 例如：七早八早就準備，舞到七晝八晝還吂（毋曾）好勢（一大早就準備，弄到快中午還沒弄好）
- 過晝 go zu→過了中午；太遲了
- 例如：阿桃姊做事當（蓋）煞猛，長間（不時）做到過晝吔還毋肯放尞（阿桃姊做事情很努力，常常就到過中午了還不肯停下來休息）
- 過晝缽𤊶 go zu badˋ ladˋ→逾越中午時段太多
- 例如：分人請愛早啊去，過晝缽𤊶正到，人全食飽哩！（別人請吃飯要早點去，超過中午時段太久才到，全部人都吃飽了）
- 歸下晝 guiˊ haˊ zu→指整個下午
- 例如：歸下晝無看著人（整個下午沒看到人）
- 七暗八暗（七暗八摸） qidˋ am badˋ am (qidˋ am badˋ moˊ)→太晚了，已經接近夜晚
- 例如：行較（過）遽兜仔，莫行到七暗八暗還吂（毋曾）到（走快一點，不要走到很晚了卻還沒到）
- 早暗 zoˋ am→早晚、遲早
- 例如：天時轉涼，早暗愛著加一領衫（天氣變冷，早晚要多加一件衣服）
- 朝晨暗晡 zeuˊsiinˇam buˊ→早晨及晚上；指早晚不定之時
- 例如：老人家就驚朝晨暗晡有燒有冷，故所還係愛有人照顧（長輩就怕早晚不定之時有冷有熱，所以還是要有人照顧）
- 三更半夜sangˊ/samˊgongˊban ia→三更半夜
- 例如：佢逐（每）日搞到（搞啊）星光半夜（三更半夜）正轉（歸）（他每天玩到三更半夜才回家）
- 昨暗晡 coˊ am buˊ→昨天晚上
- 例如：昨暗晡𠊎同阿姊共下去遶夜市仔（昨晚我跟姊姊一起去逛夜市）
- 暗晡夜am buˊia→今天晚上
- 例如：暗晡夜𠊎愛摎同學共下食飯(今天晚上我要跟同學一起吃飯)
- 暗晡頭am buˊteuˇ→晚上
- 例如：貓頭鳥日時頭睡目，暗晡頭正出來絡食（貓頭鷹白天睡覺，晚上才出來覓食）
- 一刻時 idˋ kiedˋ siiˇ→一刻鐘，四分之一小時，等於十五分鐘
- 例如：食晝過後吂（毋曾）有一刻時，還飽脹飽脹（飽肚飽肚），麼个就毋想食（距離吃完午餐還沒超過十五分鐘，肚子還很飽，什麼都不想吃）
- 一時八刻 idˋ siiˇ badˋ kiedˋ→一個時辰，一個時辰有兩個小時，即八刻鐘
- 例如：這係緊急事情，一時八刻你就愛同𠊎送（這是緊急事情，兩個小時你就要幫我送到）
結語
以上皆為自行整理，參考自客家委員會客語認證教材。
不知道讀完這篇文章，大家對於時間時態的用法有沒有清楚了呢?
我是淳，如果你想學習更多客語詞彙， 可以追蹤淳講客的IG， 想要獲得最新客家活動或是客語認證考試資訊，也歡迎訂閱我的電子報或是 加入社群(入群密碼:hakka)以及淳講客官網。 那我們下篇文章見囉!拜拜~
