遠兜 ê 花蕊猶原踮心頭勻勻仔分張伊 ê 清芳
猶未起行 ê 跤花，聊聊仔啉一甌茶，等伊開花，等伊蔫。
將伊 tsham 遠兜 ê 花蕊掖踮花圃，繼續清芳，繼續五彩。聽作家顏冰心女仕分張伊 ê 換年有一項是目睭焦甲若火燒埔，聽歷史老師陳啟鵬老師分張伊 ê 換年拄著情緒懸低坎 ê 問題，我無確定我敢開始換年，總是我確定我 ê 來洗沓沓仔行向于美人捌分張 ê 本底一日五包，這久一年五包猶閣有三包通繼續使用。
我無確定我 ê 人生敢正式行入換年，總是這久 ê 我確定徛 tī 醫學設定 ê 換年年間。講醫學設定，起因朋友 ê 阿母無照大數據來換年，朋友 ê 阿母到六十歲 tsiah 開始換年，我 ê 阿母 45 歲進前就無子宮，我兩个阿姊一个 29 歲 hōo 塗牛𤆬去塗州賣鴨卵，一个認為只要保持身材翁婿就 buē 佮外口彼个夥計大麵炒粉圓，押尾翁婿猶原夥計膏膏纏，伊人無到 40 換來直腸癌尾期，按發見到離開無到半冬，伊透世人對抗 ê 夥計 mā tī 伊轉去塗州猶無到半冬就入𪜶翁 ê 家甲。
醫生講想 bueh 知影家己 ê 換年 ē-tàng 參考家己 ê 親人，我無半个親人通參考，總是我迵過生份人 ê 經驗來參考。
作家顏冰心 ê 目睭若火燒埔 ê 焦，我有，而且我 ê 火燒埔 ē 按淚腺(luī-suànn)燒到鼻空。目睭見焦甲若 m̄ 願開喙 ê 鼻空蚶仔，我 ê 鼻空 mā 隨出現森林大火 ê 氣味。不過自這个氣味出現到今，伊 m̄ 捌影響我 ê 虎鼻獅。
情緒懸低坎 tī 我猶未拄著歷史老師陳啟鵬老師 ê 分張，我一直掠做家己猶有不滿足 ê 事項，聽著陳老師 ê 分張，我總算捎著這个看 buē 著寮仔門，彼是 hoo-lú-bóng teh 狡怪，起因我無新婦仔個性 mā 無目睭掛斗概，看人物就愛兼大事化小事，小事化無事 ê 性地。我 ê 人生經驗教我面對問題愛溜溜瞅瞅，食兩蕊目睭。
情緒懸低坎敢是 hoo-lú-bóng teh 狡怪，我 m̄ 是專業人仕我 m̄ 知影，總是當我聽著陳老師 ê 分張，我 tuì 這个莫名其妙 ê 情緒叨撚 buē 閣感覺漚戲拖棚 ê 齷齪。寫著換年(Wechseljahre)拄著翁又閣費神妝娗𪜶爸母 ê 面肉向望我 ē-tàng 佮伊牽手繼續成做聽話 ê 囡仔， 我攏 ē 按呢提醒伊「你應當知影我 ê 鎂(Magnesium)食有夠額，不過你若向望我食無夠額，我非常樂意 kā 你鬥相共。」
德國人家己 ê 研究報告，80% ê 德國人欠 Magnesium，Magnesium tuì 人類 ê 影響；
鎂對人體的重要性？
鎂是所有生物中不可或缺的元素之一，對於人體生理作用的重要性如下：
1. 協助人體內部生物酶（又稱酵素）維持活性：細胞中許多的化學反應皆需要酵素協助進行，人體中約有350多個生化反應需透過鎂離子當作輔基，來協助酵素表現活性。例如：血糖轉化、蛋白質與核酸的生合成、脂肪分解等。
2. 維持神經、肌肉機能：鎂與鈣離子的調控與肌肉組織有密切關係，如果缺乏鎂會使鈣離子濃度上升，促使肌肉收縮不正常，也會影響神經系統。
3.影響心臟、血管運作：健康心臟含鎂量比其他肌肉多，所以缺乏鎂會破壞心臟的節律；心臟收縮也需要鎂離子配合，使其順利跳動，將血液送至身體各處。
4. 影響離子的運輸作用：離子運輸通常需要穿過細胞膜，鎂和鈣具有穩定細胞膜的作用，讓細胞膜維持穩定。
5. 建構與維持骨骼：骨骼中的軟組織含有鎂與蛋白質，可維持骨骼的靈活性與抗脆性，並降低骨質流失與維持骨質健康。
資料來源 KB 康健資識庫
欠鎂 ê 人 mā 𠢕跳童，這个按德國研究學來智識 tī gún 翁𪜶規家伙仔攏有得著證明，不過 gún 翁已經無這个問題，因為無興跟綴伊跳童 ê 我 kā 伊補 tsuē-tsuē 鎂，意思就是改進伊按爸母遐承來 ê 喙斗 mā hōo 醫生呵咾伊這个年歲有 ê 問題，攏無。娶著我伊正經是坐著金交椅。
德國有 tsuē-tsuē 人有 Arthrose(關節炎) m̄-koh 𪜶大部份 ê 人攏講彼是 Rheuma(風溼)，翁 ê 爸母就是其中兩个，Arthrose 迵過飲食有法度改善，德國醫療節目 mā 有厚甲若蠓 ê 實例，總是王祿仔仙永遠上知影家己致著啥物病症。一日食六頓，六頓 kan-ta 肉、糖無菜蔬，無 Arthrose 佮其他病症 tsiah 龜怪。總是，德國研究報導 mā 講，一个慢性病問題靠藥仔有法度維持 20 冬，20 冬後任何仙丹攏無應效。這个問題是跤帛，講 buē 了，總是拄著翁又閣食 m̄ 著物，向望我佮𪜶爸母調整門扇枋角度抑是伊掠做家己是 Panzer(戰車)，我就 ê 搬這齣按𪜶國家學來 ê 提醒伊。
規个寒人無見 ê 阿波羅長頭鬃，迵過窗仔玻璃一絲一絲捊過我 ê 身軀 hōo 我感受人若 tī Ιτέα/Itea ê 露營區。
阿波羅 ê 長頭鬃 tshan-tshiūnn Yannis ê 阿貓貓，順我 ê 筋路輕輕仔柔柔仔掠龍。
我 ê 心感受滿滿 ê 幸福，我 ê 身軀感受飽滇 ê vitamin D，是按怎我 ê 情緒猶原遮爾仔稀微無力，是按怎？
動一下仔跤盤，手骨攑懸畫圓箍，尻川斗徙倒爿正爿，Inhale, Exhale hōo 跟綴 Sandmännchen 歇暝 ê 血路做寡 Lazy Pilates 貧懶皮拉提斯。
是按怎我猶原願意綴龜𤆬鱉落湳，是按怎？
Inhale, Exhale, Ada 摔落大海 ê 畫面 tshan-tshiūnn 冬至 ê 圓仔烰在眼前。
我 ê 意志選擇我 ê 生活，
My will choice my life,
遐有一款無聲 mā 無說 ê 恬靜世界。
there is a kind of silence in the world of no sound.
看圇出去 ê 手，阿貓無 tī 遐。
看圇轉來 ê 手，伊宛然 Ada 將彼條 kā 伊佮鋼琴縛做陣 ê 索。
我 ê 意志選擇我 ê 生活，
My will choice my life,
看圇出去 ê 手，彼个無形無體無氣味 ê 龜怪，伊若彼條敨放 Ada ê 索。
遐有一款無聲 mā 無說 ê 恬靜世界。
there is a kind of silence in the world of no sound.
Inhale, Exhale....
胸坎 ê 波浪若窗仔外 ê 落葉隨風倚左爿倒正爿 ê C'est la vie，成住壞空，心住異滅。
這个情緒是空，我 mā 是空，咱攏是空 ê 一部份。
𠢕早，Groundhog Day! 榭石鼠日➀
Das Neue ist selten das Gute, weil das Gute nur kurze Zeit das neue ist.
新嫣罕得是好，起因好 kan-ta tī 短時間是新點點。
Arthur Schopenhauer 阿圖爾.叔本華
這站仔翁仔姐齊愛透早出門，晏晏入門 hōo gún 翁仔姐無機會做陣食下昏飯。
本底掠做這是 hōo 鈍手扞鼎猶原愛款飯頓 ê 我，總算有機會過幾日仔一入門 m̄ 免隨斡廚房 ê 掠筋幸福，押尾成做筋絡無放鬆，胃腸煞無時閒 teh 頓椅頓桌交皮包仔愈來愈消瘦落肉 hōo 我開竅啥物號做開錢 bué 止枵。
每一個角勢有家己 ê 食食文化交食食融合，tuì 德國寿司、亞洲炒麵食 buē 敆喙交無愛一頓飯齊含水碳素無啥菜蔬通相放伴 ê 我，tī 德國上捷請土呂其烘肉店 kā 我治大腸告小腸。
自第一斗行踏德國並行入土呂其烘肉店，我 ê 脾土 tshan-tshiūnn 田螺循舊逝，較行 mā 彼逝 ê Dönerbox 抑是 Kebab Teller。這兩款選擇唯一 ê 精差，Dönerbox 敆扁笱麭 Fladenbrot，Kebab Teller 是無愛馬鈴薯條 ē-tàng 選擇換扁笱麭抑是米。
Dönerbox 自有印象是按 4€開始食，有厚厚 ê 肉，厚厚 ê 生菜，厚厚 ê sòo-sù hōo 我食甲哽胿叫 m̄ 敢，這幾日四界換店所食著 ê Dönerbox，基本價 10€，生菜無幾葉，肉無幾片，sòo-sù 想 bueh 要求加添寡愛加錢。菜色自本就比 Dönerbox 腥臊，價數 mā 比 Dönerbox 懸一寡 ê Kebab Teller mā 起甲基本價 16€ hōo 我 tī 德國第一斗認真感受，我 ê 褲袋仔正港是袋磅子 m̄ 是龍銀。
遮 ê 變化我會使得理解，畢竟德國 ê 電錢已經 kiōng-bueh 超過歐洲上貴 ê 丹麥。不過，我無法度接受漲懸價後 ê 品質比往過閣較恐怖閣較䆀味，特別是肉鹹甲連以色列死海攏無通比並。
土呂其烘肉店 ê 肉一直是受人討論 ê 問題，受人討論交 McDonald's ê Nugget 相𫝛，肉 ê 來源，製造方法等等。我 tuì 這个產業無理解，就愛停跤 m̄ 通繼續 buē 博假博。總是按 tsuē 冬經驗來講這站仔 ê 喉韻，我 ē 講，土呂其烘肉店 ê 肉 mā 沓沓仔行向工業化。這點 gún 翁 mā 認同。
「Tī 舌猶未按工業加工食品舌踅轉來原形食物舌，我 buē 感覺家己食甲傷過死鹹，這幾日家己款下昏飯，我發覺 m̄ 管超市味素抑是土呂其烘肉店味素齊鹹篤篤甲 hōo 我成做海綿下性命敕水。」
往過有才調無啉一喙滾水隨 kā 鹹甲連蹛 tī 太平洋 ê 魚 mā 喝鹹篤篤 ê 500g Frikadelle，一斗食煞閣敆一包 XXL 馬鈴薯片 mā buē 喝鹹死人 ê 伊，這斗按呢回應，看起來喙斗交體重 tī 身體無各樣 ê 狀況 m̄ 是無才調通改變。
今仔日拜一免出門 mā m̄ 免交翁做陣食飯，30 分鐘 ê 運動結束隨巡 Blog 有啥菜色通敨連運動 mā 無法度紮走 ê 情緒低坎。
我 ê 意志選擇我 ê 生活，
My will choice my life,
遐有一款無聲 mā 無說 ê 恬靜世界。
there is a kind of silence in the world of no sound.
Inhale 欶氣, Exhale 吐氣....胸坎 ê 波浪若窗仔外 ê 落葉隨風倚左爿倒正爿 ê C'est la vie，成住壞空，心住異滅。這个情緒是空，我 mā 是空，咱攏是空 ê 一部份。Das Neue ist selten das Gute, weil das Gute nur kurze Zeit das neue ist.新嫣罕得是好，起因好 kan-ta tī 短時間是新點點。
舊愛上媠，這个因為準備換年捷來 ê 挨拶 ê 情緒低坎，我無法度控制，m̄-koh 我 ê 意志選擇我 ê 生活 hōo 我一款屬於個人無聲 mā 無說 m̄-koh 有機會交數念做陣圍爐 ê 幸福。
➀ 1993 美國電影，華語號做「今日暫時停止」。筆者 kā 伊翻做榭石（siā-tsio̍h）鼠日，是按德文 Murmeltier 做翻譯。Murmel tī 德文指玻璃珠仔，英文翻譯做 Marble 榭石 alias 大理石，筆者 tī 阿爾卑斯山區頂著伊，就順自來 tuì Alpen ê 地質印象 kā 伊號做榭石鼠。榭石來源：台語現代散文選，前衛。
