經過咗幾年嘅疫症陰霾，相信睇呢齣戲一定又有餘悸。
醫生媽媽與女兒相依為命，有日少女懷疑染上至死疫症，令到佢哋兩個埋藏喺記憶心底嘅往事再次浮現。
唔知係咪導演經過咗嗰幾年疫症封城嘅限制，無論係出行嘅限制定係心靈嘅限制所帶嚟嘅恐懼而寫出呢個故仔。電影正反映疫症橫行期間，對於人與人嘅關係變得親暱咗定係變得疏離咗？入邊仲包含咗少女成長青春期嘅困擾，母女之間嘅拉扯關係，甚至乎係群眾對於懷疑染疫者嘅態度同埋待遇，醫護人員對於疫症癱瘓流動時嘅態度，當然仲有人類失去至親嘅痛苦以及反思。
市面上唔多有呢個主題嘅電影，導演避重就輕用咗個駕空世界嚟講返當時嘅經歷，確實係一套難得嘅電影，仲要係佢嘅拍攝手法、講故仔嘅流暢度都係高水準，
推薦。
