女主角話「我唔係被騙，我係談咗一場戀愛。」咁究竟嗰場戀愛其實係同邊一個談嘅呢？
大橋係女主角被交友網站騙子騙錢、騙感情，另一邊廂哩個騙子男主角喺呢段情騙案經歷成長。筆者有幸喺長途飛機上睇咗哩齣電影，故事寫得很流暢，表面上係一單情騙案，但其實係一段自我修復嘅旅程，不論係男主角定係女主角。
有時你遇見一啲事，無論係挫折定失敗，定係失去一啲嘢，金錢或者感情，你可能要用好長一段時間嚟療癒，嚟接受呢個唔開心嘅結果，甚至可能久久不能釋懷，直到死嗰一刻。女主角有幸有不幸，不幸地遇上感情騙子，但幸運地療癒咗自己嘅傷痛，或者真正騙自己嘅，其實就係自己。
