<p> Ài-tsîng lin-long-se̍h (愛情玲瑯踅)</p>

（Tē 1 pha）

“A-bí lí hó, guá sī A-suat, ah lí tsuè-kīn hó--bô?”A-suat kóng.

“Guá tsuè-kīn bô hó neh！Kám-kak tsiok bái--ê !”A-bí kóng kah tsiok siong-pi--ê.

“Guá tō hōo tsa-poo phiàn, kám-kak ū kàu siong-sim--ê! ”

A-bí lú kóng lú sè-siann.

“A-bí, tuē tsit ê tsa-poo kā lí tsia̍h-tshenn-kha, guá tshuē i sǹg-siàu!! ”A-suat kóng kah tsiok siūnn-khì--ê.

“Aih, guá tō siunn gōng-tuh-tuh, à tsún kóng i sī ài guá--ê, kiat-kó guá huat-hiān i ū lú-pîng-iú--á, guá khah kám-kak hōo phiàn khì ah!” A-bí kóng kah lâu ba̍k-sái.

“A-bí, guá hām lí kau-tsîng mā beh 10 tang ah, lí hit ê sî-tsūn thài-ē bô tshuē guá kóng neh?”A-suat kóng kah tsiok kiann-hiânn--ê.

“Aih ah, ài tio̍h khah tshám-sí lah! ”Hiông-hiông A-tiok tshut-hiān tī pīnn-á teh tuā-siann kóng!

Tsit ê sî-tsūn , A-bí kap A-suat sa-lóng-bô , A-tiok sī siánn-mi̍h sî-tsūn puh tshut-lâi lah! In lóng hōo A-tiok-á kiann kiann--tio̍h!

“Aih iah, lín ê tánn ū kàu sè lia̍p--ê, guá tsí sī kā sū-si̍t kóng --tshut-lâi niâ , kám-kóng guá ū kóng m̄-tio̍h ooh?”A-tiok kài sîng kóng kah tsiok tshio-tiô--ê.

“A-tiok--á, lí si̍t-tsāi sī honnh………m̄-tsai beh án-tsuánn kóng lí neh?”A-suat sim-lāi sī ū tsi̍t-tiám-á siū-khì.

A-bí khuànn-tio̍h hit ê suí-bīn ê A-tiok , sī kui pak-tóo hué , sim-lāi siūnn:“Lí tsit khoo tsin-tsiànn tsiok siūnn beh kā i pa--lo̍h-khì--ê!”

Tsit ê sî-tsūn A-tiok khuànn in nn̄g ê lâng ê bīn-tshiunn tsiok pháinn khuànn--ê , tō siūnn beh suan--ah.

（Tē 2 pha）

A-tiok teh siūnn-khang siūnn-phāng beh tshòng-tī A-bí, kiat-kó suah hōo A-suat khuànn-phuà kha-tshiú, A-suat sī tsi̍t ê thâu-khak tsiok hó ê lâng, i tsá tō tsai-iánn A-tiok á siūnn beh pìnn-khang.

Tsit sî, lâm-tsú-kak tshut-hiān--ah, hit ê phiàn A-bí ê lâng tō sī i , miâ kiò tsò Phòng-hong.

Hit ê Phòng-hong ta̍k uī khì khi-phiàn tsôo gín-á, A-bí tō sī kî tiong tsi̍t-ê.

Hit ê A-tiok á khuànn--tio̍h Phòng-hong lâi ah, kuánn-kín kā i giú khì pinn-á, sè-siann kā kóng: “Eh, lí m̄-sī bô lú-pîng-iú?thài--ē kā A-bí--á phiàn ah! Lí kám tsai-iánn i khàu kah sì-liân-suî, suà--lo̍h-lâi lí beh án-tsuánn bīn tuì i leh?”A-tiok kî-si̍t mā ē huân-ló, in-uī i tī àm-tiong teh kah-ì A-suat, i bô siūnn beh hōo A-suat ê hó-pîng-iú kan-khóo, siūnn beh khah ū bīn-tsú--ê.

（Tē 3 pha）

A-bí kap A-suat kiânn-tī lōo-tiong, nn̄g ê lâng lóng teh siūnn, siūnn kóng beh án-ná tshut tsi̍t kháu khuì.

Kiânn leh kiânn leh, tī uat-kak ê tsa̍p-sè-tiàm tú tio̍h Phòng-hong, tsi̍t sî A-bí kuànn-tio̍h i sī kui pak-tóo hué, i koh m̄-tsai-iánn Phòng-hong kā phiàn kóng i ū lú-pîng-iú ê tāi- tsì. Tsit siann nā-sī hōo A-bí tsai-iánn, i tō tshuah teh tán ah! Jî-tshiánn tsit ê mā m̄-sī tsin-tsiànn ê lú-pîng-iú.

Tng-tong in koh teh siūnn ê sî-tsūn, hit ê kóng sī Phòng-hong ê“ Lú-pîng-iú”ê koo-niû--á tī tuì-bīn ê hāng-á-káu ta̍uh ta̍uh-á kiânn hiòng in 3 ê lâng!

Phòng-hong khuànn m̄ sī-sè, tō kuánn-kín suan-tsáu ah! Hit ê kóng sī Phòng-hong ê lú-pîng-iú miâ kiò tsò A-hue. A-bí khuànn--tio̍h A-hue , ka-tī kám-kak：“I hiah nī suí, guá pí bē kuè i lah！”Kî-si̍t A-bí kan-tann khuànn kuè i tsi̍t bīn niā-niā, tsit sî A-suat siūnn kóng, hit ê Phòng-hong sī tshut-ūn ah ooh! Hiah-nī suí ê tsa-bóo ta̍k ê m̄-kánn siong-sìn sī i ê lú-pîng-iú! Siūnn-kóng i sī-m̄-sī kā ta̍k ê phiàn! Kā ta̍k ê phiàn kah lin-long-se̍h, tsí ū A-tiok--á tsai-iánn sū-si̍t.

（Tē 4 pha）

Tī tsit ê ho̍k-tsa̍p ê 4 ê lâng, tsha-put-to 20 huè ê ài, in sī beh án-tsuánn kè-sio̍k--lo̍h-khì neh？Kám-tsîng sī tsin ho̍k-tsa̍p--ê, tann in tsiah tsai-iánn siánn-mi̍h sī tsin ê iah sī ké--ê.

M̄-koh kóng--tio̍h Phòng-hong i ê hîng-uî si̍t-tsāi tsiok bô ìng-kai--ê. A-suat āu--lâi kap A-bí--á tsok tshè-sim--á, A-bí mā tsai-iánn, in koh huê-ho̍k in ê tsìng-siông ê sing-ua̍h ah!

愛情 lin-long-se̍h(漢羅版) 作者:Ko Ka-hui 日期:20191011

（Tē 1 pha）

「阿美你好，我是阿雪，ah 你最近好 -- 無?」阿雪講。

「我最近無好 neh！感覺足 bái--ê !」阿美講kah 足傷悲 --ê。

「我就 hōo 查埔騙，感覺有夠傷心 --ê!」阿美 lú 講lú 細聲。

「阿美，tuē 一 ê 查埔 kā 你食生跤，我tshuē 伊算數!!」阿雪講 kah 足生氣 --ê。

「Aih, 我就傷 gōng-tuh-tuh，à tsún 講伊是愛我 --ê，結果我發現伊有女朋友 --á，我 khah 感覺 hōo 騙去ah!」阿美講 kah 流目屎。

「阿美，我 hām 你交情嘛beh 10 冬 ah，你彼 ê 時陣 thài-ē 無 tshuē 我講neh?」阿雪講kah 足kiann-hiânn--ê。

「Aih ah，愛著較慘死 lah!」雄雄阿竹出現 tī邊仔teh 大聲講!

這 ê 時陣，阿美kap阿雪sa-lóng-bô，阿竹是啥物時陣puh 出來lah! In lóng hōo 阿竹仔驚驚 -- 著!

「Aih iah, lín ê 膽有夠細粒 --ê，我只是 kā 事實講出來爾，敢講我有講 m̄-tio̍h ooh?」阿竹蓋成講 kah 足 tshio-tiô--ê。

「阿竹仔，你實在是 honnh………m̄-tsai beh 按怎講你 neh?」阿雪心內是有一點仔受氣。

阿美看著彼 ê suí-bīn ê 阿竹，是規pak-tóo 火，心內想：「你這 khoo 真正足傷 beh kā 伊 pa--lo̍h-khì--ê!」

這 ê 時陣阿竹看 in 2 ê 人ê 面腔足歹看 --ê，就想 beh suan--ah。

（Tē 2 pha）

阿竹 teh 想空想縫 beh 創治阿美，結果 suah hōo阿雪看破手跤。阿雪是一ê 頭殼足好ê 人，伊早就 tsai-iánn 阿竹仔想beh變空。

這時，男主角出現 --ah，彼ê 騙阿美ê 人就是伊，名叫做膨風。彼 ê 膨風逐位去欺騙 tsôo gín-á，阿美就是其中一ê。

彼ê 阿竹仔看著膨風來 ah，趕緊kā 伊 giú去邊仔，細聲kā講：「Eh，你 m̄-sī 無女朋友?thài--ē kā 阿美仔騙ah!你敢tsai-iánn 伊哭 kah sì-liân-suî，suà--lo̍h-lâi你beh按怎面對伊 leh!」阿竹其實mā 會煩惱，因為伊 tī 暗中teh kah-ì 阿雪，伊無想beh hōo阿雪 ê 好朋友艱苦，想beh khah有面子--ê。

（Tē 3 pha）

阿美 kap 阿雪行tī路中，2 ê 人 lóng teh 想，想講 beh án-ná 出一口氣。

行 leh 行 leh，tī uat-kak ê 雜細店拄著膨風，這時阿美看著伊是規 pak-tóo 火，伊 koh m̄-tsai-iánn膨風kā 騙講伊有女朋友ê 代誌。這聲弱勢 hōo 阿美tsai-iánn，伊就tshuah teh 等 ah! 而且這 ê 嘛m̄-sī 真正ê 女朋友。

Tng-tong in koh teh 想 ê 時陣，彼 ê 講是膨風ê 『女朋友』ê 姑娘仔 tī 對面ê 巷仔口 ta̍uh ta̍uh-á 行向in 3 ê 人!

膨風看 m̄ 是勢，就趕緊suan-tsáu ah! 彼 ê 講是膨風 ê 女朋友名叫做阿花。阿美看著阿花，家己感覺：「伊hiah爾suí， 我比 bē 過伊lah!」其實阿美kan-tann 看過伊一面爾爾，這時阿雪想講，彼ê膨風是出運ah ooh! Hiah爾 suí ê查某逐 ê m̄-kánn 相信是伊 ê 女朋友! 想講伊sī-m̄-sī kā 逐 ê 騙! Kā 逐ê 騙 kah lin-long-se̍h，只有阿竹仔 tsai-iánn 事實。

（Tē 4 pha）

Tī 這 ê 複雜ê 4 ê 人，差不多20 歲ê 愛， in是beh按怎繼續 --lo̍h-khì neh? 感情是真複雜 --ê，tann in才tsai-iánn 啥物是真 ê iah 是假 --ê。

M̄-koh 講著膨風伊ê 行為實在足應該 --ê。阿雪後來kap 阿美仔 tshè-sim--á，阿美嘛tsai-iánn，in koh 恢復in ê正常ê 生活 ah!

原文網址:Ài-tsîng lin-long-se̍h (愛情lin瑯踅)

台語小說會當ná看ná聽: