標題寫「TVB台慶」係咪會多人睇啲？

當我睇住TVB個頒獎禮越搞越縮皮，贊助單位一年比一年少，但偏偏，喺網路上「成為熱話」，幾套唔太受大眾歡迎嘅劇，就好成功咁入咗唔鍾意TVB嘅群眾，令呢幾日大家都討論緊賽果，表明會支持佢哋。其他嘅慣性觀眾，又講下自己鍾意邊套、邊個藝人捱咗咁耐應該俾佢等等。唯有講句，呢啲都唔係屬於我嘅世界。

咁算唔算係逃避現實？因為個現實就係咁。表現風光就得喇！Show就更係要咁做架喇。想賺錢咪做多啲Show，想要多人讀咪又係做多啲Show，「網上熱話」咪又係啲人做Show等人講，同以前係茶樓，大家一班人講電視劇，又同隔離枱嘅陳師奶講下馬德鐘幾靚仔，不過大家變晒網上版，唔用真身份去講，好似無咁樣衰咁。

大家都明，上網吹水嘅人一定唔夠啲師奶咁勇，一定要有頭盔，怕俾人知自己睇緊TVB咁，要講就講ViuTV！(係人哋面前)，不過自從全民造星之後，一班女人都唔介意去高談闊論，雖然都未必有下一次呢啲港男Show。

唉… …所以我真係唔太鍾意呢個世界，但我就係離唔開呢啲圈子，因為人在江湖，身不由己。我唯一可以做嘅只係繼續做自己喜歡嘅故事同作品，盡量令自己留返係呢個世界做個邊沿人，唔好俾人out出局就算。

作者：多媒體廢作人

作品：2016《叛神軍團》、2016《Slow Music》、2016《筆示驅魔傳》、2017《DSE幻想校園》、2017《格子控的執著》、2018《混個半神當就這麼難嗎？》。個人網：https://andy729hui.like.community/