水池仔

細漢的時去阿媽兜，上愛走去阿媽兜外口的水池仔邊迌。水池仔內底有魚仔、大肚kuai仔，有時會使看到蓮花當咧開，表兄會用細支箠仔，縛一條線，線另外一頭縛一个鉤仔，共事先佇塗底挖著的杜蚓仔，結咧鉤仔頂，就是一支魚釣仔，毋過我一直釣無啥，加加釣著一寡垃圾仔。

厝裡的大人上無愛阮遮的囡仔走去水池仔邊耍，定定耍無偌久，就予大人叫叫轉去矣。

細漢時的記持，總是袂放袂記，永遠囥佇腦海中，共細漢記持的水池仔畫出來，毋但有魚、有花，閣有一隻五色鳥仔呢。