Seuxal, niqan kingal ka empsbarig ana manu qnqaya seejiq, miyah elealang... qmita dgiyaq alang o lungay kana.
Pprngaw tmpusu alang ka empsbarig qnqaya: "qrapi saku kingal rungay, bigun misu kingal kbkuy pila da."
Balay bi mgay kingal rungay, kingal kbkuy pila ka empsbarig gaga.
Kana alang seejiq qmita malu ngalan sadu ka qmraq rungay ni, laxan dha ka qmpahan da.
Ini biyaw, jima empusal kbkuy sngari ka rungay, wada brigun empsbarig, bilaq hari qtaan ka rungay da.
Wada mkray kingal rungay o dha kbkuy pila brigan. Ungat hari qrapal ka rungay do.
Kingal rungay brigan o wada mkray 3 kbkuy bitaq 5 kbkuy. Ungat ana kingal qtaan ka rungay dgiyaq do, quri 30 kbkuy sngari ka rungay o gaga baga na kana.
Niqan kingal jiyax, ＂mowsa ku alang mu.＂msa ka empsbarig nii.
Mddayaw empsbarig na o rmngaw kana tmpusu alang, "Mduuy ku tru kbkuy pila ka brigun maku sunan, miyah ka pusu empsbarig do, brigi 5 kbkuy kingal ka rungay da." Kika emblaiq namu kana uri da.
Siida do, mdka saw empunu kana ka tmpusu alang, pryuxan dha pila ka supih ni, wada dha brnahun marig kana ka 30 kbkuy rungay.
Bukuy do, wada madas pila ni ungat qtaan ka mddayaw empsbarig.
Tgaan dha bsiyaq balay jiyax ka empsbarig, mmiyah marig kingal rungay 5 kbkuy seejiq, ida ungat qtaan ka seejiq mmiyah marig rungay.
Mmkan blbul ka rungay o, ida asi ka pila kiya, mha mangal inu pila ka tmpusu alang.
Asi dha lwaqi dgiyaq kana ka rungay, kiya ni prajing thngayan rungay duri ka ddgiyaq。
