佢係你老母講你最快釘

係文憑試放榜日，通常學生都係一個人或聯群結隊的來到統一收生中心，但是偶爾都都父母帶同子女一起來的。

有一年，有位老母同埋阿仔嚟到中心門外，當佢地兩個坐低後，阿仔就一言不發，咀爸好像貼了萬能膠似的，所以我溫柔地問佢：「係咪覺得考得唔係幾好，所以有少少徬徨同埋唔開心?」

我聽到回覆，我真係聽到回覆，好像電影的讀心術一樣，真係人沒有開口，但我聽到聲音...

咪住，明明係仔仔，點解把聲係中年大媽聲? 原來答我的不是這位後生仔，而係佢老母答「梗係差啦，差到佢老母都唔認得呀!」

咁係唔係即係你唔認得佢? 你有冇帶錯隔離屋阿明仔嚟?

我無視佢老母，只是聚焦係個年輕人度。 「年輕人，不如你講下有咩諗緊?」認唔到佢嘅老母又搭口：「佢冇野好諗㗎啦!」你諗佢冇野諗，你不如諗下我有冇嘢諗?

來來回回，每一次我問，答的總是佢老母，真係佢老母!

糾纏一輪，佢個仔終於開口話：「我想做科學家!」

我差啲衝口而出，「好! 你不如發明一樣嘢，可以一按按鈕就可以射你老母上中國太空站。」 最後，阿老母幫佢填完表後，就帶走左佢唔知有冇認錯的仔走左了!

希望佢真係成為科學家啦，救救人類。

請看官來facebook給我一個讚吧!