自德國正式宣布 Covid-19 來行踏，行過 SARS ê 我無才調 tshan-tshiūnn gún 翁猶原自在做蜂飛 hōo 伊摠著機會剾洗有膽 ê 無膽，無膽 ê 人比有膽 ê 人閣較有腳數。人生行到在世上大 ê 願望 kan-ta 向望健康到最後一刻 ê 我由在伊去剾洗，畢竟遮 ê 話 buē 減我任何一塊肉，另外咱人無一个有才調知影後一秒 bueh 發生啥物代誌，所致咱愛珍惜這款猶有才調 hōo 咱控制 ê 四常。
Gún 翁 ê 工課 tī 德國政府前兩斗 ê 封城無受著任何影響，第三斗封城𪜶公司宣佈歇睏 hōo 伊無地做蜂四界飛，換做蠓交我米糕𣻸，一日到暗問我這个問題「你按算當時 bueh 去 bué 菜，我會使得做你 ê 保鑣送你去。」
見伊暗頭仔食西瓜，半暝仔反症，我微微仔笑應「Gún 翁有夠貼心，感恩」，「我一直攏足貼心」驚牽手繼續攑日本剾刀，倒剾伊 ê 反常緊斡頭行向廚房巡菜櫥。疫情期間有 ê 翁仔姐 uī-tio̍h 注肺炎預防射冤家量債，有 ê 翁仔姐因為四目相對相 ê 時間變 tsuē 親家變冤家。Gún 翁仔姐無遮 ê 問題，起因 gún tuì 預防射有相佮 ê 認知， gún tuì 龍鳳四常步頻愛按夜間部同學轉做 24 點鐘無閬縫 mā 無任何問題，起因 gún 孤人有家己 ê 生活節奏無一个人需要配合對方加出來 ê 時間，除了這件代誌，遐無地通去，遮無地通踅伊 kā 我轉做太陽轉踅 hōo 馬仔不時按我魂舒走過（Die Gäule gehen mit mir durch）心狂火著，押尾得著一个智慧，這是伊未來退休 ê 面貌，我需要對症下藥。
「厝內無俗麭，敢會使得請你去捾兩袋轉來？」
「厝內無牛奶，敢會使得請你去捾一罐轉來？」
聽我按呢講，伊隨斡頭無出聲，起因一仙五銀總愛要意夠夠 ê 伊需要斟酌繩價數 tsiah 出門，就按呢我得著屬於我家己 ê 空間，摒厝內抑是牢 tī 痞客邦耍弄舌盒仔。
今仔日早起頓食飯飽，伊照這陣 ê 慣勢開始巡菜櫥，牛奶猶有、Tshì-sù 猶有、意大利麵 mā 猶有，喙那叫名，手 mā 那算數量，無偌久伊紮一包越南米粉行到坐 tī 膨椅看小說 ê 我面頭前講「咱兜 ê 越南米粉賰這包，按呢敢有夠額？」
「這陣咱攏做陣食飯頓，我罕得孤一人食米粉，有夠額」我講。
「我 mā 真愛食越南米粉」伊食老國正式宣布 Covid-19 來行踏，行過 SARS ê 我無才調 tshan-tshiūnn gún 翁猶原自在做蜂飛 hōo 伊摠著機會剾洗有膽 ê 無膽，無膽 ê 人比有膽 ê 人閣較有腳數。人生行到在世上大 ê 願望 kan-ta 向望健康到最後一刻 ê 我由在伊去剾洗，畢竟遮 ê 話 buē 減我任何一塊肉，另外咱人無一个有才調知影後一秒 bueh 發生啥物代誌，所致咱愛珍惜這款猶有才調 hōo 咱控制 ê 四常。
Gún 翁 ê 工課 tī 德國政府前兩斗 ê 封城無受著任何影響，第三斗封城𪜶公司宣佈歇睏 hōo 伊無地做蜂四界飛，換做蠓交我米糕𣻸，一日到暗問我這个問題「你按算當時 bueh 去 bué 菜，我會使得做你 ê 保鑣送你去。」
見伊暗頭仔食西瓜，半暝仔反症，我微微仔笑應「Gún 翁有夠貼心，感恩」，「我一直攏足貼心」驚牽手繼續攑日本剾刀，倒剾伊 ê 反常緊斡頭行向廚房巡菜櫥。
疫情期間有 ê 翁仔姐 uī-tio̍h 注肺炎預防射冤家量債，有 ê 翁仔姐因為四目相對相 ê 時間變 tsuē 親家變冤家。Gún 翁仔姐無遮 ê 問題，起因 gún tuì 預防射有相佮 ê 認知， gún tuì 龍鳳四常步頻愛按夜間部同學轉做 24 點鐘無閬縫 mā 無任何問題，起因 gún 孤人有家己 ê 生活節奏無一个人需要配合對方加出來 ê 時間，除了這件代誌，遐無地通去，遮無地通踅伊 kā 我轉做太陽轉踅 hōo 馬仔不時按我魂舒走過（Die Gäule gehen mit mir durch）心狂火著，押尾得著一个智慧，這是伊未來退休 ê 面貌，我需要對症下藥。
「厝內無俗麭，敢會使得請你去捾兩袋轉來？」
「厝內無牛奶，敢會使得請你去捾一罐轉來？」
聽我按呢講，伊隨斡頭無出聲，起因一仙五銀總愛要意夠夠 ê 伊需要斟酌繩價數 tsiah 出門，就按呢我得著屬於我家己 ê 空間，摒厝內抑是牢 tī 痞客邦耍弄舌盒仔。
今仔日早起頓食飯飽，伊照這陣 ê 慣勢開始巡菜櫥，牛奶猶有、Tshì-sù 猶有、意大利麵 mā 猶有，喙那叫名，手 mā 那算數量，無偌久伊紮一包越南米粉行到坐 tī 膨椅看小說 ê 我面頭前講「咱兜 ê 越南米粉賰這包，按呢敢有夠額？」
「這陣咱攏做陣食飯頓，我罕得孤一人食米粉，有夠額」我講。
「我 mā 真愛食越南米粉」伊講。
我 kā 手頭 ê 小說囥一邊，目鏡囥鼻刀斟酌看伊食老出癖「準做你愛食這久 ê 咱 mā 無法度去越南人市場」我講。
「換去泰國太太遐，伊遐 mā 有越南米粉敢 m̄ 是？」
「遐公車僫等，駛車閣歹停車，越南米粉無遐趕緊」我清楚知影伊 ê 意思，總是我 mā 無興跟綴伊 ê 歹癖踅金龜磨來拍歹家己 ê 好心情。
「我駛車載你去，揣無停車位停停車場就好」，gún 翁 mā 巧巧仔人知影牽手 teh 講啥。
萬項攏確定，伊 buē 爸母來上童，火恢阿婆隨換衫小可仔整理外表，菜籃捾 leh 交伊做陣去四常攏是我家己搬兩幫公車 40 分左右 ê 泰國𥴊仔店。
泰國𥴊仔店畢竟是泰國人經營，泰國米粉永遠俗過越南米粉，捾兩包若台灣米苔目 ê 越南米粉，順紲 kā 俗甲我非常確定這麵按北韓來 ê 韓國白麵一斗掃 20 包，閣款三包泰國粿仔條轉來厝。
「今仔日下昏飯我想 bueh 出囡仔時愛食 ê 豬油透豆油麵，你敢 bueh 食？」我問。
聽著豬油伊目頭隨結隨問「敢無法度換別款油」伊問。
「無水 Bá-tah」我刁意故講。
伊知影這是牽手客氣 ê 點拄，食物無試鹹汫，脾土是 bueh 按怎知影敢有敆喙無，何況豬油 mā m̄ 是第一工 tsiah 來 gún 兜行踏。
「按怎出菜總舖師上知機」伊隨文文仔笑應。
我輕輕仔 tìm 一下仔頭斡頭伐向廚房開始煠麵，然後 uī 家己拍噗仔，我交𪜶兜 ê 距離又閣搝長矣，紲落來開腦釣魚揣這碗麵 tī 我囡仔時按怎講？起因走馬燈 kan-ta 走這兩个名「傻瓜麵」交「福州乾麵」，現此時 ê 出菜敢是這兩款麵？唉，這久釣無魚較停仔 tsiah 來 Google 請眾𠢕人開拆我 ê 頇顢。
外甥仔點燈火，一切照舊食飯飽隨請教翁敢有批評交指教，伊頭幌甲比 hōo 風颱吹甲正倒倒倒 ê 牛頓草閣較厲害「好食，好食，有夠好食。」，我相信伊講 ê 話，起因這斗 ê 豆油有濫芡芳 ê 紅蔥頭 hōo 我感覺味素比往過閣較敆喙。翁仔姐食飯飽隨人泅入家己 ê 世界，伊泅入手機仔 ê 世界，我 mā 泅入手機仔 ê 世界，請網路眾𠢕人 kā 我鬥出主意，押尾 tī 全家有智慧揣著答案，原來「傻瓜麵」交「福州乾麵」就是煠寡麵，按呢囡仔時捷聽芋仔爸講 ê 我 bueh 煠豬油豆油麵來食，你有 bueh 食無 ê 講法 mā 是正確。
這久 ê 我蒜頭下較重，按呢就 kā 伊號做豬油蒜頭麵，起因伊 mā hōo 我想著員林市仔 ê 拉仔麵。
厝內最後一塊豬油融入豆油，心若 hōo 針搣，世間 m̄-nā 青春 ē 離跤手食物 mā 是。Tī 肺炎總算願意出門行跤花 ê 2024 年兜，德國商業市場 mā 宣佈 Sauerkraut 德國酸菜交 Schweineschmalz 豬油 ē 沓沓仔跟綴 Eisbombe, Sonntagsbraten 退出市場，起因伊少年家無意愛。
煠好 ê 韓國白麵落碗攪 hōo 齊，步頻感覺佗落無相𫝛，留底 ê 相片揣出來繩，啊，人生若九層粿在人變化，2022.04.19 我追求食 ê 外表，豆油交糖下重本去攪，這久 ê 我追求脾土 ê 合諧，萬項齊一寡寡 hōo 身體放輕鬆，人生 tsiah buē 齷齪。
