社會ê現象(白話字) 作者:Ko Ka-hui 日期:21071207

Chit-má chit ê siā-hōe, ē-tàng thiaⁿ-tio̍h gín-á kóng Tâi-gí kóng kah chin lián-tńg--ê, í-keng chiâⁿ hi-hán ah！

Góa ta̍k-kang ta̍h-chhut mn̂g, thainn--tio̍h-ê, lóng sī kóng Hôa-gí khah chē, góa kā chit keng bē chá-tǹg ê A-chí kóng gâu-chá, i ìn-kóng：『早安』, ah góa bêng-bêng tō kā kóng Tâi-gí, i koh ìn Hôa-gí, chin-chiàⁿ hō͘ Hôa-gi sé-náu kā chiok giâm-tiōng--ê o͘！

Án Tâi-oân-lâng phó͘-phiàⁿ lóng bô chū-sìn, siūⁿ kóng, kóng Hôa-hí khah ko-sióng, chit-chióng koan-liām lóng m̄-tio̍h--khì ah！Jî-chhiáⁿ ē hāi-tio̍h lán ê gín-á sit-khì chāi-tē kin-pún ！

Lán siūⁿ beh hō͘ lâng khòaⁿ-ē-khí, tō seng ài chun-chhûn lán ê bó-gí－Tâi-gí. Tâi-gí sī lán pó-tó pó-kùi ê bûn-hòa, sī chiok súi ê gí-giân. Góa sī siàu-liân-ê bó-gí lāu-su, góa siōng ài kóng Tâi-oân-ōe, lán chò-hóe lâi kóng, chò-hóe lâi phah-piàⁿ, hō͘ lán ê thó͘-tē chit ê chun-giâm hó bô？

漢羅版

這馬這 ê 社會，會當聽著gín-á講台語講 kah 真lián-tńg--ê，已經chiâⁿ hi-hán ah！

我逐工踏出門，聽 --tio̍h-ê，攏是講華語 khah 濟，我 kā 一間賣早頓ê 阿姊講 gâu-chá，伊ìn-kóng：『早安』，ah 我 bêng-bêng tō kā講台語，伊 koh ìn 華語，真正 hō͘ 華語洗腦 kā 足 giâm-tiōng--ê o͘！

Án台灣人普遍攏無自信，siūⁿ講,講華語 khah高尚，這種觀念攏毋著 --khì ah！Jî-chhiáⁿ ē害著lán ê gín-á sit-khì chāi-tē kin-pún ！

Lán想beh hō͘ 人khòaⁿ-ē-khí，tō 先愛chun-chhûn lán ê母語－Tâi-gí。台語是lán寶島寶貴ê文化，是足súi ê 語言。我是 siàu-liân-ê母語老師，我siōng愛講Tâi-oân-ōe，lán作伙來講，作伙lâi phah-piàⁿ，hō͘ lán ê 土地chit ê chun-giâm好無？

原文網址: 社會 ê 現象

會當ná看ná聽: