台語文
（華文）
◇◆◇
彼是我細漢時的代誌。
（那是我小時候的事情。）
彼時陣我閣帶佇庄跤古厝。庄內大宮神明生佇暑假前，日時云庄時阮囡仔攏閣咧上課無法度綴行，毋過暗時仔食了辦桌了後，阮攏會相招去廟口耍。
（那時候我還住在鄉下老家。村莊內宮廟神明誕辰在暑假前，白天繞境的時候我們小孩子都還在上課無法跟走，不過晚上吃完辦桌後，我們都會相約到廟口玩。）
廟口除了有予神明祝壽的一台歌仔戲、一到兩台的布袋戲（暗時就變搬電影），還有一大台的電子舞台車予庄內一寡愛唱歌的村民唱歌。
（廟口除了有給神明祝壽的一台歌仔戲、一到兩台布袋戲（晚上就變成播放電影），還有一大台電子舞台車給村莊內一些喜歡唱歌的村民唱歌。）
毋過阮上合意的抑是邊仔小擔仔，有食閣有通耍，買一支麥芽糖抑是一包燒酒螺，那食那聽人唱歌唱歌仔戲那打珠仔，一個暗時誠緊就過去。
（不過我們最喜歡的還是旁邊的小攤位，有得吃還有的玩，買一支麥芽糖或一包燒酒螺，邊吃邊聽人唱歌唱歌仔戲邊打彈珠台，一個晚上很快就過去。）
厝內大人吩咐阮十點之前就要轉去厝，有時明明隔轉工是禮拜，免上課的日子，阮想欲加耍一睏仔就會予佇廟口的大人趕轉去。
（家裡大人囑咐我十點之前就要回家，有時明明隔天是禮拜日，不用上課的日子，我想要多玩一下子就會被廟口的大人趕回去。）
「囡仔人莫耍遮晚晏，緊轉去睏。」
（「小孩子不要玩這麼晚，快回去睡覺。」）
我這馬轉去，嘛是看電視看到十一、二點哪。毋過我哪敢佮大人應喙應舌，只好心不甘情不願轉去。
（我現在回去也是看電視看到十一、二點啊。不過我哪敢跟大人頂嘴，只好心不甘情不願回去。）
有一冬，神明生佇拜六，彼暗時猶未十點阮囡仔攏予大人趕轉去厝，我就真袂爽，明明佇厝內攏閣聽會得廟口鬧熱的舞台喇叭聲，明明廟會就毋是十點結束，我實在足想欲留著閣繼續耍哪。
（有一年，神明誕辰在禮拜六，那時候還未十點我們小孩子都被大人趕回家，我就真的很不爽，明明在家裡都還聽得見廟口熱鬧的喇叭聲，明明廟會就不是十點結束，我實在很想要留著再繼續玩啊。）
「阿期你真戇，你真正叫是彼台電子舞台車只是欲予人唱歌？」佮我做夥行轉去的囡仔伴田仔按呢對我講，「彼閣會當跳鋼管哪。」
（「阿期你真笨，你真的以為那台電子舞台車只是給人唱歌？」和我一同走回家的玩伴田仔說，「那還會跳鋼管啊。」）
衫有穿哪毋穿的媠姑娘仔跳鋼管，跳一跳閣會行落來佮查埔人當做鋼管按呢跳按呢撋。
（衣服有穿像沒穿的漂亮姑娘跳鋼管，跳一跳還會走下來把男人當作鋼管，邊跳邊蹭。）
「我…我當然知影。」
（「我…我當然知道。」）
「知影著好，彼咱囡仔人抑是少看。」
（「知道就好，那個我們小孩子還是少看。」）
這種電子舞台車在庄跤只要是喜事的場攏有，就算是透中晝大路邊的新娘攤，嘛是鋼管插起去，小姐就跳起來，閣會落來佮人敬酒，當場就佮查埔人撋起來，耍較大的，櫼錢落去小姐的內衫內褲，抑是直接表演相幹的動作，對阮來講攏毋是啥物稀奇代誌。
（這種電子舞台車在村莊內只要是喜事的場合都會有，就算是正中午設立在大路邊的結婚筵席，也是鋼管立起來，小姐就跳起來，還會下來給人敬酒，當場就和男人蹭起來，玩比較大的，塞錢進去小姐的內衣內褲裡，或是直接模擬起做愛的動作，對我們來說早已司空見慣。）
日時就耍誠大，哪暗時咧？
（白天就玩那麼大，那晚上呢？）
「我有淡寡仔好奇，想欲偷偷走轉去看欲呢。」我按呢對田仔講。
（「我有一點點好奇，想要偷偷跑回去看。」我這樣對田仔說。）
田仔雄雄足大聲佮我應：「我才無愛，你欲去家己去。」頭彎咧就走轉去伊兜，查攏毋查我。
（田仔突然很大聲回我：「我才不要，你要去自己去。」扭頭就跑回他家，理都不理我。）
我才想起來，田仔伊非常討厭跳鋼管的人。伊閣加細漢時予伊的白癡親戚戲弄，佇一個新娘攤叫跳鋼管的小姐用伊的奶佇田仔的喙頰撋。
（我才想起來，田仔非常討厭跳鋼管的人。在他還更小的時候他被他的白癡親戚捉弄，在一場結婚筵席叫跳鋼管的小姐用她的胸部在田仔的臉頰邊蹭。）
可憐的囡仔，抑毋知查某囡仔肉體的好，剩會記得彼時身軀邊大人恥笑的畫面，嘛毋知這是毋是伊日後無合意查某囡仔的原因。
（可憐的孩子，還不知道女孩子肉體的好，只剩記得那時身邊大人取笑的畫面，也不知道這是不是他日後不喜歡女孩子的原因。）
田仔轉去哪，剩我一個，按呢嘛好，一個人加好活動，我彎身走轉去廟仔。
（田仔回去了，剩我一個人，這樣也好，一個人才好活動，我轉身往宮廟跑回去。）
我驚予人發現，偷偷仔敨開廟後一個小門——阮自細漢佇遮耍到大漢攏知影這個小門廟公袂鎖——然後對廟內底走對頭前去，覕仔大廟門後壁，對廟門佮壁中央的縫看出去。
（我怕被人發現，偷偷的打開廟後面一個小門──我們從小在這裡玩到大的都知道這個小門廟公不會上鎖──然後從廟裡面走向前面，躲在大廟門後面，從廟門與牆壁間的縫隙看出去。）
歌仔戲台佮布袋戲台佇九點關廟門進前都攏拆去，邊仔賣食賣耍呢佇十點前都開始沓沓仔收，我這馬看都攏無啊，真正就剩伊台電子舞台車，頂懸徛的人嘛毋是阮走進前咧唱歌的阿桑，是一個穿大紅色禮服的查某主持人，伊綴著歌曲的聲咧跳舞，舞台跤竟然徛著滿滿是的人——大人——綴著拍噗仔。
（歌仔戲和布袋戲在九點廟門關前就都拆去，旁邊賣吃玩的小攤子在十點前就都慢慢收攤，我現在一看也都沒了，真的就只剩那台電子舞台車，上面站的人也不是我們離去前看到的唱歌老阿伯，是一個穿著大紅色禮服的女主持人，她跟著音樂搖擺著身體，舞台下竟站了滿滿的人──大人──跟著鼓掌。）
下跤攏遐是啥人，是毋是我所熟似的人？我毋知影，對我這個角度看出去只看會得他們的背影佮頭殼後。
（下面都是誰，是不是我所認識的人？我不知道，從我這個角度看出去只能看見他們的背影與後腦杓。）
「各位鄉親逐家暗安逐家好。」主持人喙笑目笑佮舞台跤的人打招呼，得著愈大聲的噗仔聲，閣有幾聲歕觱仔。
（「各位鄉親大家晚安大家好。」主持人笑逐顏開地跟舞台下的人打招呼，得到比剛才更大聲的鼓掌聲還有幾聲吹口哨。）
主持人歡喜甲心花開，馬上紲落去介紹閣來的節目。
（主持人開心的心花朵朵開，馬上接下去介紹再來的節目內容。）
「好啦好啦，比起我這個老阿婆，逐家今仔日來當然是欲看少年咧…」
（「好啦好啦，比起我這個老阿婆，大家今天來當然是要看年輕的啊…」）
講到一半，主持人佮舞台邊打一個暗示，舞台車的主人家馬上搬一支長長的鐵管插咧舞台的正中央。
（話說一半，主持人給舞台邊打了個暗示，舞台車的主人馬上搬一支長長的鐵管插在舞台的正中央。）
我心想，又閣是鋼管，真正相田仔講呢，就是相平常時阮攏知影的按呢嗎？
（我心想，又是鋼管，真的像田仔說的，就是像平常我們都知道的那樣嗎？）
「咱平常媠姑娘看多已經無稀罕哪，盈暗咱就…」
（「我們平常漂亮女孩看多了已經不稀奇，今晚我們就…」）
下跤歕觱仔拍斷主持人講話。
（下面口哨聲打斷主持人說話。）
「唷，看來這位尼桑內行喔，馬上邀請咱盈暗的美人！」
（「唷，看來這位大哥很內行喔，馬上邀請我們今晚的美人！」）
我根本猶未反應過來主持人按呢講佮平常時有啥物無仝，觱仔聲、噗仔聲佮音樂聲同時催落來，舞台中央的門敨開，同時行出妝畫了媠媠的兩個人。
（我根本還沒反應過來主持人這麼說跟平時有什麼不同，口哨聲、掌聲和音樂聲同時響起，舞台中央的門開啟，同時走出兩位妝容漂亮的人。）
我一看，唉唷，真正是暗時仔較刺激。跳鋼管的小姐雖然衫有穿哪無穿，上無嘛是內衫底褲共三點包予好好，啊這馬剩一條紅色的三角底褲，胸頭彼兩點無暗，無怪下跤觱仔聲比我聽過的場閣較濟。
（我一看，唉唷，果然是晚上比較刺激。跳鋼管的小姐雖然衣服有穿像沒穿，至少還是內衣底褲把三點包好，而現在只剩一條紅色三角底褲，胸前那兩點沒有掩蓋，難怪底下吹口哨的聲音比我聽過的其他場還多。）
毋閣這兩個小姐的奶實在有較細…等咧！我斟酌看，這根本毋是「小姐」，是兩個「查埔囡仔」。
（不過這兩位小姐的胸部實在有點小…等等！我仔細看，這根本不是「小姐」，是兩個「男孩子」。）
他們兩個笑笑佮下跤擛手就算拍了招呼，了後就做夥爬起去鋼管，綴咧舞台音樂聲跳起來，舞台跤噗仔聲、吹觱仔聲不斷。
（他們兩位微笑向台下揮揮手算是打了招呼，之後就一同爬上鋼管，隨著舞台音樂聲跳起來，舞台下掌聲、吹口哨的聲音不斷。）
我是第一遍看查埔跳鋼管，我嘛是第一遍了解著原來「媠」會當來呵咾查埔。
（我是第一次看男生跳鋼管，我也是第一次了解到原來「漂亮」可以拿來稱讚男生）
鋼管真穩，予他們兩個查埔囡仔有法度做夥佇頂懸做出足濟真媠的動作，查埔比查某閣較有力，凍較久，我感覺他們出力時身軀的形比查某囡仔的閣較媠。
（鋼管很穩，讓他們兩個男孩有辦法一同在上面做出很多漂亮的動作，男生比女生有力氣、可以撐更久，我感覺他們出力時體態比女孩子更加漂亮。）
舞台音樂結束，他們嘛對鋼管頂落來，消失的主持人重新轉來舞台頂。
（舞台音樂結束，他們也從鋼管上下來，消失的主持人重新回到舞台上。）
「阮這兩個阿弟仔媠無？」
（「我們這兩位弟弟漂不漂亮？」）
「媠！」
（「漂亮！」）
「按呢閣來就是逐家上合意的，媠弟弟陪逐家做夥跳舞囉。」
（「那接下來就是大家最喜歡的，漂亮弟弟陪大家跳舞囉。」）
舞台音樂閣一擺催落來，兩個查埔囡仔行落來舞台跤，雙跤開開，半跍半倚咧查埔人的胸頭撋。
（舞台音樂再一次落下，兩位男孩子走到舞台下，雙腳開開，半蹲半靠在男人們的胸膛上蹭。）
彼時，我想著咧毋是查埔佮查埔有夠奇怪，我想著咧是原來不只是「媠」，「妖嬌美麗」才有法度表達出我對他們的看法。
（那時，我想的不是男生和男生有夠奇怪，我想著的是原來不只是「漂亮」，「妖嬌美麗」才足夠能表達出我對他們的看法。）
我感覺著他們的目神穿過人群縫中對到我的。
（我感覺到他們的目光從人群縫中穿過來對到我。）
遮無可能哪，我覕咧好好，他們對外口是無可能看著我！
（這不可能啊，我躲得很好，他們從外面是不可能看到我！）
毋閣他們雄雄同時對著我妖嬌一笑，目神敢若是咧對我講：「愛覕相揣的阿弟仔，阮有看著你喔。你是毋是嘛合意阮呢？」
（不過他們突然同時對著我妖嬌一笑，眼神好像是在對我說：「喜歡玩躲貓貓的小弟弟，我們有看到你喔。你是不是也喜歡我們呢？」）
我一驚，頭彎咧趕緊走轉去厝咧。
（我一驚，扭頭趕緊跑回家。）
彼冬暑假過去了後，我綴父母搬去市區讀冊。廟會彼工所偷看著代誌我嘛毋敢問大人彼是真抑是假。
（那年暑假過後，我跟著父母搬去市區讀書。廟會那天所偷看到的事情我也不敢問大人是真是假。）
後來電視節目變濟、手機仔流行人人手頭一支，加上少年仔攏離開庄頭，神明生的廟會漸漸無啥物人會去，予神明祝壽的歌仔戲、布袋戲抑是有，毋閣邊仔小擔仔嘛變少，啊伊台電子舞台車就無啊。
（後來電視節目變多、手機流行人手一支，加上年輕人都離開村子，神明誕辰的廟會漸漸也沒什麼人去，給神明祝壽的歌仔戲、布袋戲還是有，但旁邊小攤子變少了，而那台電子舞台車是沒有了。）
我漸漸開始懷疑彼工莫非只是我空想的一場夢，毋閣免懷疑的就是自彼工開始，我就知影我合意查埔人哪。
（我漸漸開始懷疑那天莫非只是我空想的一場夢，不過不用懷疑的是，從那天開始我就知道我喜歡的是男人了。）
