台語笑詼

有一个小牌的歌手，受著邀請，欲踮一个電視節目演唱。
排練的時陣，伊揀一條伊上捷唱、上蓋佮意的歌曲。唱煞了後，台跤隨傳來一聲「閣一擺！」
聽著有人欣賞家己的歌喉，歌手真歡喜，非常深情的閣演唱一擺。無想著，伊歌聲拄停，台跤閣仝款傳來彼个聲音「閣一擺！」
這聲，歌手認為拄著知音矣，非常激動的閣演唱一擺這條手路歌。
音樂拄欲停止爾爾，台跤彼个聲音猶閣響起：「閣唱、繼續唱，唱甲你完全袂走音為止......」