估唔到深圳嘅醫療宜家咁出色，大陸發展真係好猛，設備、醫生技術同埋經驗都進步咗好多。頭一次去深圳睇牙，其實我屋企人都有啲擔心....
點解要去深圳睇牙？係因為我有個朋友兩個月前去睇牙，一直話深圳嘅牙科服務好好，收費都平好多。我之前喺香港檢查過有牙周病，做咗幾次治療都唔覺得有好大改善，香港嘅牙周治療收費都幾貴，所以我就想試嚇去深圳。
我朋友推薦咗維港口腔嘅福田皇崗院，我坐皇巴直接到皇崗口岸，過關之後行個天橋就到，好方便。我朋友推薦咗陳曉醫師，所以我亦book陳醫師嘅時間，不過陳醫生好火爆，排期都好後，我提前兩個星期先約到星期六嘅時間。第一次去見陳醫師，佢檢查完同我講我有中度牙周病，建議我先做1個牙周治療嘅套餐，推薦我用EMS牙周治療機，治療會更加舒適，效果亦好啲。最後定咗5990人民幣1個療程包三次，成個過程大概一個月。
牙周治療嘅機器
陳醫師做牙周治療手勢好好同埋好細心，用EMS機治療個陣比我之前洗牙嘅過程都舒服好多！刮治就好似用個好尖嘅機器喺牙齦入面刮，呢部分有少少痛，不過有打麻醉，所以就舒適好多。我記得差唔多都係呢啲步驟，總之就係清潔乾淨牙齒，牙齒上藥。
做完一個療程之後，我覺得真係改善好多，我之前牙肉會比較紅仲有少少腫嘅感覺，然後仲有幾隻牙齒會郁，宜家感覺牙肉有恢復正常，個幾隻牙冇再郁，不過仍然需要再觀察。
醫生都通知我一個月後再去復診檢查，總之體驗之後覺得真係唔錯，醫師手勢、態度都好好，會好細心耐心地回答我嘅問題，收費又公道。
簡單分享下我嘅經驗，大家可以參考喇~~
