黎到第2日, 當然訓到9點幾先起身
見到大家都叫做訓得好
一起身就立即去附近食個早
其實就麻麻地, 都唔平, 要成40蚊HKD
不過就入面有冷氣個D咁
食完就第一站去行教堂
原來有2間教堂好似, 第1間係哥德式風格都幾令
但唔係我想去個間 所以我去左CHIJMES
打左一陣卡 就食中午
我地去左一間叫權發肉骨茶, 依間係米芝蓮2星
依間比較特別就係潮州式既肉骨茶, 唔似平時個D藥材
食落去淡淡地 胡椒味 我個人覺得ok,不過老豆又屌晒鬼話 無味咩咩
個waiter又衰on9, 叫晒野食上晒黎 食2口 無啦啦叫我地比錢
立即話一陣先 條友真係傻的嗎黎, 一係就一早比, 邊有人食緊阻人食
睇黎佢地都唔休無生意
叫左D小食咁 賣單都唔貴 我覺得正正常常,未去到米芝蓮
之後就行左彩虹警局 影左半個鐘 其實幾令
行下行下到左獅尾魚公園, 一定就打個卡, 不過人多, 無張得
貪得意買左枝雪條 貴到成60HKD, 又唔好食, 真係做水魚生意
間7仔又賣水成40HKD, 香港都唔會咁水魚
見少少落雨,行左陣好似中環既地方, 坐MTR到 濱海灣花園
想講佢同入口都一段距離, 真係幾長路行, 途中又落下雨,
去shake shark食左少少野就行到
我想講佢個milk shake係期間限定, 但係真係試下好了, 佢只係班蘭蛋糕味only 甜到飛天
濱海灣花園
佢主要2大建築, 花穹同雲霧林,一個係睇唔同花,一個係睇瀑布, 但後者同jewel 太似,
同埋前者有櫻花睇, 所以去左睇前者
其實佢成個designs同jewel都相似, 都係一個ova型既溫室
入到去原來都幾凍下, 我地好奇,咁多唔同花都可以同一溫度咩
其實後來發現唔同地區溫度都有D唔同
其實花種就唔算太多, 不過至在就唔同地區既花都有D咁樣, 其實香港花展仲多元化
不過真正吸引到我地既係日本櫻花, 都同佢地影左一輪
之後我地去左世界樹樹頂 睇風景 景色一流, 360度睇到市景, 金沙就係面前,同埋周圍既林景,海景等等,係幾舒服
影完就已經黃昏, 呀媽提議係到食埋野先 廢事搞咁耐
我地去左一間以恐龍為主題既food court, 幾得意既 有恐龍會叫
不過野食都係soso,我都食左好多餐lasa
食完D世界樹就已經發光,其實幾令
我地等到8點,個夜燈終於開始
不過期望過高,其實我覺得普通,D歌又太舊,無咩共鳴感
只係跟住歌變下色同閃下咁, 夜景黎講香港真係世一 LOL
睇完後都夜, 見太多一堆左係到 我地都係叫的士
搞下搞下, 差唔多10點返到屋企
其實好多景點都係人造景 所以有個問題就係可能你去一次就唔會再睇
不過當係見識下姐
