蕭煌奇 Ricky Hsiao Ft. 李炳輝Lee Pin-huei-輝煌旅行社
煌：歡迎光臨輝煌旅行社，我是蕭煌奇
輝：我是李炳輝 煌：大家攏準備好袂輝：準備好啊 煌：按呢，咱出發囉
煌：
咱若是假日閒閒無代誌 毋通踮厝內規工咧看電視
無論觀光 抑是流浪 攏嘛真趣味 咱來去庄跤蹛一暝
輝：
我正是出名的人招我就去 我的字典內無另工這兩字
無論西裝 抑是便當 攏嘛有準備 你若欲去遊覽會記咧來通知
煌：
海邊搧東風 山頂看流星 了解無仝款的城市
無論天文 抑是地理 看人過日子 攏是人生寶貴的智慧
輝：
媽祖廟燒香 廟口踅夜市 試寡無仝款的滋味
無論鹹鹹 抑是甜甜 攏是人情味 攏是未來拍拚的元氣
煌：咱若有假日毋通顧趁錢 輝：應該著𨑨迌將心情放予開
合：
無論熱天 抑是寒天 攏嘛真四序
咱台灣真嫷風景有規堆 咱台灣上讚名產有規堆
煌：炳輝啊！咱欲出發矣，啊你物件紮有齊勻無？
輝：有啦，你免煩惱啦，我連阮某都紮出來矣
煌：按呢哦，呵呵呵呵！
煌：咱若是假日閒閒無代誌 輝：毋通踮厝內規工咧看電視
合：無論春天 抑是冬天 攏嘛有景致 你若欲去遊覽會記咧來通知
輝：
海邊搧東風 山頂看流星 了解無仝款的城市
無論天文 抑是地理 看人過日子 攏是人生寶貴的智慧
煌：
媽祖廟燒香 廟口踅夜市 試寡無仝款的滋味
無論鹹鹹 抑是甜甜 攏是人情味 攏是未來拍拚的元氣
合：
咱若是假日閒閒無代誌 應該去𨑨迌 將心情放予開
若是台灣 已經踅完 出國嘛可以
我𤆬你𤆬你來去坐飛行機 咱相招相招來去坐飛行機
咱來去來去唱歌Do De Mi 咱來去來去四界揣西施
咱來去來去......
輝：咦？啊欲去佗？
煌：飛行機欲飛啊啦 咱先行才閣講啦
合：咱來去來去來去坐飛行機
