Lán（咱）的母語

語言ê作用

現在很多少年家攏感覺母語毋需要學，按呢（這樣）chit（這）世界的人tiō （就）kha（較）好溝通。伊用指頭á伸出來算，講世界kán-ná（只要）需要英文，中文跟西班牙文tiō（就）好，尚多擱加一ê 德文kah（和）法文。伊感覺這kúi（幾）個語言是尚多人leh講，無免擱再學什麼其他的語言。這ê留學生認為，若親像馬來西亞按呢（這樣），大家佇學校學英文kap中文就好，伊熟識ê馬來西亞學生，in就是án-ne（這樣），所以伊感覺in 精通中文、英文，ē-sái（會使）和世界的人交流，是尚理想的。阮m̄（不）是權威人士，也不是衛道者，只是kah講，lí （你）的台語講liáu真好，伊說是厝內kap伊阿嬤講ê。伊講伊bē（不會）教伊的孩子講台語，因為he（那）是一種bô（無）lō͘-iōng（用途）的話。阮想想就接伊的話kóng（講），你iá（還）少年，阮二十四歲時mā bô（無）想beh kóng台語，但是阮住德國三十年，現在感覺自己的文化和語言真重要，所以tiō（就）擱回頭轉來學母語。這是一條家己對家己的轉型正義，是個人的選擇。確實，人tī（在）不kâng（同）的年紀，ē（會）有bô-kâng（不同）的想法和反動，攏是自然的代誌。

外國人的德語創作

最近，阮用德文寫一本德文書，予德國人修改過的德文，德國人攏看有，但是也是有人批評這是中文化的德文，不是in所使用的德文。不過修改阮德文書的德國人，伊是語言專家，伊感覺這本書是阮寫的，當然是阮的創作，ài（要）用阮的文字表達才是真實，德文只是一ê工具。德文現在有真多的外國人使用，不可能一直停留tī leh母語使用者的狀態。伊的說明，ho͘ 阮吊掛心頭ê石頭chiah（才）ē-tàng（會當）放落下，bô伊的說明，阮就感覺kán-ná（好像）對不起讀者。另外一方面，大部分的德國讀者攏kap阮講，in 看了真感動，看台灣人寫ê，才有法度了解台灣人的認同衝突是什麼，這也是真實而且是貼近作者ê表達方式。對góa（我）來說，身為一個作者，住德國chiah chōe（這麼多）年，不可能接受別人改的德文，不是góa（我）慣習使用的德文，這是góa（我）的堅持，所以德國人看不慣習，不是我作者的問題，創作是互相溝通的共鳴，若是找人改了德國母語的人滿意，我煞看bô，這都失真。這就bōe-su（好像）很多人去電影館看電影，就算用母語說話，mā不一定大家攏看有，這是我對我的德文書的基本看法，nā（若）有德國人抱怨看無siàⁿ（啥）有，he（那）是伊ê理解不夠寬闊，不是創作者的問題。

德國母語

佇德國巴伐利亞邦的人，講in的方言，感覺家己以作一ê巴伐利亞人為榮。你若講in講標準的官方德國話，in聽有，但是in會說你講ê是寫文字的語言。In nā beh tháu（解脫）心事，beh找厝內人，in tiō ē（會）講巴伐利亞話，找同鄉講in ê話，就算是簡單的打招呼iá（還）是應聲，攏是真好ê療癒，親像咱tī阿母子宮裡面聽著的聲音kâng-khoán（同款）。Tian-tò（顛倒，相反地）tī 德國西部hia（那）的德國人，in hia（那）mā ū方言叫作低地德語（Plattdeutsch），煞 bô-ài 講予外人聽。In ê 阿嬤若leh kah孫輩講話，看有外人tiō（就）會改用官方講ê話，bô tiō 馬上bô-ài（無） kóng話，予外人根本無機會聽到in講的是啥話，mā bô（無）法度thang 問。

今日（二月二十一日）是世界的母語日，阮欲用這篇來送hō͘ gún（阮）過身的外嬷，因為她攏用台語kah阮講話，伊無讀書，但是伊是阮心目中尚蓋尊敬的人，伊m̄-bat讀過iá（還）是聽過阮寫 ê文章，這篇台語的文章就是想beh讀予伊kah所有ê台灣阿嬤聽。