陰影中，一個高大身影緩緩行出嚟。
佢身上有種舊書、機械油同遙遠星塵混合嘅獨特氣味。佢冇望我，只係伸出修長嘅手指，輕輕掂咗掂我手上冰冷嘅黑盒。 佢感嘆一聲：「終於搵到了！」
然後從他的方形斜孭袋 找到一本封面已經磨損到睇唔清圖案嘅殘舊書。書脊上，幾個褪色嘅燙金字依然可見：《麥田圈魔法》。佢捉著我嘅小手把這本書交給我，佢手上嘅溫暖蓋過咗黑盒嗰種冷冰冰。
我翻開扉頁，我看到一道獨特而神秘的符號，簡潔又有力。簽名下面，寫住「麥田健二」。好彩這個簽名唔潦草，呢四個中文字我識㗎！我認得！我好似喺邊度聽過，但又諗唔起。我抬頭望住佢，第一次感覺到自己嘅渺小。
「做得好。呢本書記錄咗好多麥田圈嘅怪事，呢啲故事你就學習多啲啦！」
我好奇又驚訝機械式回答了一句：「哦！」
佢終於將視線移返我度，把聲平靜，但對眼好似睇穿咗成個宇宙，連我心入面最深處嘅野心同慾望都一清二楚。
「但記住，我哋嘅目的從來都唔係搶奪故事。」佢嘴角微微上揚，形成一個難以捉摸嘅笑容。
「我哋係要令故事本身，好似有生命咁，選擇跟我哋一齊走。呢個，先係真正嘅『連結』。」
我聽得一頭霧水，但又覺得呢段說話充滿魔法。我握緊手上本《麥田圈魔法》，感覺到書本微微發熱。
我調皮地笑咗一下，抬起頭問：「選擇跟我哋走？係咪好似你跟住我走咁啊？」
陰影中的男人聽到我嘅比喻，嘴角嘅笑容更深咗，似乎對我呢個反應好滿意。佢冇直接回答我嘅問題，只係輕輕講：「答案，就喺你手上嘅故事度。你就由最簡單嗰個故事開始睇睇起啦。」
佢講完，行前一步，同我並肩而立，目光望向同一個方向。佢嘅存在，就好似一個無聲嘅承諾，話畀我知佢會喺度，陪我一齊出發。
我低頭望住黑盒同舊書，左手冷冰冰的黑盒，右手溫暖的麥田圈魔法，感覺到一場真正嘅遊戲，而家先至正式開始。
___________________________________________________________________
《小麥子創富號漂流記》嘅航程，每一篇都係一次新嘅探索，有時搵到被救贖者，讓他們係創富號上得到一絲的棲息！有時遇到風浪，但最重要係我哋從中學到嘅嘢。
呢艘船會繼續航行，去探索更多未知嘅海域同一起創富嘅可能性。如果你都想成為「創富號」嘅一員，同我一齊經歷呢趟有血有汗有笑聲嘅漂流記，就唔好猶豫，即刻撳個 『追蹤』！
咁樣，我哋下一次啟航，你就會第一時間收到船長日誌，唔會錯過任何精彩嘅冒險！
