Ē kì tit guá sè-hàn ê sî, guá ê a-pah kap a-bú lóng ê bé tsiok tsē hó-sńg ê tshit-thô-mi̍h-á hōo guá sńg , ū ang-á、kan-lo̍k、iah sī hó-khuànn ê tsheh, koh-ū tsiok tsē hó-sńg--ê iù lia̍p mi̍h.
Tiānn tiānn thiann guán a-bú leh kóng；guá sè-hàn ê sî tsiok kuai--ê, I na teh bô-iông , tō khe̍h hia--ê tshit-thô-mi̍h-á hōo guá sńg , guá lóng sńg kah tsin huann-hí , tsìm tī guá ê tshit-thô-mi̍h ê sè-kài lāi-té.
Tsit-má guá í-king tuā-hàn--á, guá nā khuànn-tio̍h hia--ê puê-puānn guá tuā-hàn ê tshit-thô-mi̍h-á , kō lóng ē siūnn-khí guá ê a-pah kap a-bú. Guá ē kè-sio̍k pó-tsûn hia ê mi̍h-kiānn, hi-bāng tsia ê tshit-thô-mi̍h-á lóng ē-tàng koh kè-sio̍k puê-puānn guá , in-uī he sī siòng bí-lē ê kì-tî, tshin-tshiūnn sī pó-tsûn a-pah kap a-bú tuì-guá íng-uán ê ài , tse mā sī siōng pó-puè--ê huê-ik lah！漢羅版
會 kì tit 我細漢 ê 時，我 ê 阿爸阿母攏買足濟好耍ê tshit-thô-mi̍h-á 予我玩，有 ang-á、kan-lo̍k、iah 是好看 ê 冊，閣有足濟好耍 --ê iù lia̍p mi̍h。
Tiānn tiānn 聽我阿母 leh 講，我細漢 ê 時足乖 --ê，伊若 teh 無閒，tō khe̍h hia--ê tshit-thô-mi̍h-á 予我玩，我攏耍 kah 真歡喜，浸tī 我 ê tshit-thô-mi̍h ê 世界內底。
這馬我已經大漢 --á，我 nā 看著 hia--ê 陪伴我大漢 ê tshit-thô-mi̍h-á，閣攏 ē 想起我 ê阿爸 kap 阿母。我會繼續保存 hia ê 物件，希望 tsia ê tshit-thô-mi̍h-á 攏會當閣 續繼陪伴我，因為 he是上美麗 ê記持，親像是保存阿爸 kap 阿母 tuì 我永遠 ê 愛，tse mā 是尚寶貝 --ê 回憶 lah！
附註:已刊登於台文通訊罔報(Tâi-bûn thong-sìn Bong-pò)第281期
原部落格文章出處連結: Guá sńg ê tshit-thô-mi̍h(我的玩具）
會當ná看ná聽:
