Tī guá 細漢 ê 時，我 ê 阿爸 kap 阿母 tō lóng ē kap 我kóng 台語，só-í 我 ê 台語kóng liáu sǹg bē-bái，我 kám-kak我 ê 台語tio̍h-sī tī 細漢 ê 時puê-ióng--kí-lâi ê，Tse lóng sī ài感謝阿爸 kap 阿母，nā-bô 可能我tō 像 kap 我同輩 ê 人kâng-khuán buē-hiáu kóng ah!
自我 tsiap-tshiok 台語文 o̍h Lô-má-jī liáu-āu，熟似一 ê tsiok-tsán ê 台語老師-----Tân Kim-hua lāu-su，i tshuā 我 jīn-bat tsiok-tsē 台語 mi̍h-kiānn，lāu-su kà guá ē-hiáu khuànn Lô-má phin-im 念台語文章，我kám-kak tha̍k 台語 tsiok 心適 --ê，真正 tha̍k kah 足 ū tshù-bī--ê，有當 sî-á 我kuànn-tio̍h hó-tshiò ê 字 ia̍h-sī 文章，我 tō ē hiông-hiông 笑 -- 出來，真正足hó-sńg--ê，só͘-í 我 ē koh kè-sio̍k 讀台語。Hi-bōng我ē-tàng 考過台語認證中高級, thang 來做台語老師。為 tio̍h tsit-ê 理想，我一定 ē kè-sio̍k 拍拼，kā 我 ê 台語tì-sik koh 讀 kah khah pá--tsi̍t-ê，我 it-tīng beh-koh 認真 --lo̍h去!
附註:已刊登於台文通訊罔報(Tâi-bûn thong-sìn Bong-pò)第285期原文網址連結: 我 o̍h 台語 ê 心情
會當ná看ná聽:
