記得，忘記(十一)調查，檢討

我正在「檢討」自己的反思。

其實面對網上發佈故事、文章、作品等創作... ...最怕嘅係... ...

你睇唔明人地寫咩，

但其他人明佢講咩。

有好多人會為佢嘅金句感動，

你會覺得佢寫嘅野無動於中。

想大家投入去睇故事，所以會寫好多文字去等人想像下。

大家就想唔好睇咁實，可以等自己去幻想呢個係咩故事。

作為作者，更係想讀者由作品中去探索，

作為讀者，偏偏想係作品中做自己創作。

你會開始懷疑，呢個世界係咪發出咗問題？

之後慢慢懷疑，好似係你自己本身有問題？

但當你好努力去求證了解呢個問題時，

其他人又會覺得你又多餘又九唔搭八。

雖然認真，就輸了，

但唔認真，就完了。

到底係網絡世界可發展嘅空間太細？

定係網民留比創作人嘅空間唔夠大？

到底大家欣賞嘅係，

每個人由細到都有嘅創意概念？

定係未必個個都明嘅表達手法？

睇唔明所以唔欣賞，

睇得明又嫌你老土。

識字嘅人會嫌你扮識字，

唔識字嘅會嫌你唔識字。

到底你係咪真係唔識字？

到宜家我都唔知，

我係咪真係識字... ...

「檢討」過後都係無路可走，

因為檢討係屬於一個人反思，

反思完唔代表個世界會改變，

同「調查」係兩個層次嘅事。

文：

多媒體廢作人/十三郎 出版作品：(關於我自己的夢想) 《DSE幻想校園》(一)、預計2019年尾出版第(二)冊 《錯的人生，對的人》