〈讀摩理臣山小學嗰幾年盞鬼少年時〉::或者藝術X或者革命::｜在在專欄

【讀番書雜憶：皇仁的歲月（第一章）】Part 2

讀摩理臣山小學嗰幾年，學校啲嘢真係記得唔多。

除咗喺「錫克廟」踢波就係有時去體育路馬場出面嘅空地踢波，不過會俾人趕。印象中唔會走入馬場，只會遙看一段距離叫大石鼓嘅地方。有個同班姓陳嘅同學住喺霎東街，有時放咗學踢完波，就去佢屋企玩。嗰度嗰陣時啲屋係住人嘅，兼且啲大厦唔係好多層，唔似得而家全部係食肆酒吧同埋鋪頭。喺同學屋企玩完就自己搭電車返屋企，唔駛人湊。霎東街附近就係鵝頸橋，而家橋底出名打小人，重有示威人士唔入維園會途中加入會係嗰度等候。嗰個年代同一地方重係一條大坑渠！

話說回頭，係摩理臣山讀小學剩係記得個譚校長同教英文嘅Miss Chan。重有姓黃嘅班主任。有一次Miss Chan罰我企喺校長室門口，譚校長冇問因由，我覺得佢咪咪咀喺度笑。Miss Chan同Miss黃後來都做咗校長，Miss Chan做「北角官立小學」校長而Miss Wong嗰間就叫做「堡壘山官立小學」。幾年之後，我哋一班男同學想見返啲女同學攪re-union，都會問黃校長借堡壘山官立小學地方，黃校長又會借俾我地。不過記憶中出席嘅男同學眾多，女同學就只得一個。我地就輪流同佢影相。我同呢個女同學嘅相，珍而重之，但係而家又再搵唔翻！

講起男女同學，還記得一件事。當年唸五六年班，兩小無猜的年紀，又會開始對異性發生興趣。而有點耳濡目染嘅係電影宣傳廣告對一啲性感女明星嘅描述：艷星呀、肉彈呀，呢啲名詞係令到我輩產生好奇同幻想。

呢一年聖誕節，同學們都花費零用錢買聖誕咭送俾老師同埋友好嘅同學。同學之中有一位俾我地嘅印象係最道貌岸然，我哋（我同兩三個同學）送俾佢嘅聖誕咭，裡面當然印有Merry Christmas and Happy New Year，但咭嘅封面係一個意大利肉彈：應該係珍妮羅露寶烈吉妲（要不然就是蘇菲亞羅蘭），呢個同學拆開信封，看了看，面色大變，不單要退回聖誕咭還要我們鄭重道歉！唉！

而後來我和這位同學一起入咗「皇仁中學」，他最後入咗香港大學，畢業後結婚，對象係當年摩理臣山小學同班的一位最靚嘅女同學呀！

入皇仁難唔難？當年喺官立小學讀六年班嘅，大概有啲優勢。我哋都要考小學會考，不過考小學會考我諗都係啲父母緊張過我哋！

哈哈果陣時會考放榜會賣報紙咖，放榜果日，買張華僑日報，睇住啲冧巴，搵自己個名… 搵到… 哇哈哈，係老竇讀過嗰間殖民地政府官辦嘅皇仁中學！

（待續…）

::煉藝在道〉在在共識者｜專欄::文 ◣ 莫昭如

---

總編按：延伸資訊┐

五、六十年代香港人會知道這些西方名星，「珍娜羅露寶烈吉妲」是當年香港中文譯名，現在在維基找到的是另一款譯名了。要說香港文人將洋人譯名譯得傳神，原來香港當年有名的報界文人「三蘇」曾將「珍娜羅露寶烈吉妲」戲譯為「真奶裸露煲裂雞蛋」。

「珍娜羅露寶烈吉妲」譽為意大利老牌艷星，曾與「蘇菲亞羅蘭」齊名。粵語長片裡歌仔都有得唱，是鄭君綿、鄭碧影合唱的《才子佳人》，頭一句就係：「～擰柳腰好似蘇菲亞羅蘭，又似惹火寶烈吉妲～佛見到都日會起大痰，花靚仔想到心爛～」

---

珍娜羅露寶烈吉妲（Gina Lollobrigida）

（1927年7月4日－），義大利女演員、攝影記者、雕塑家。她是1950年代及1960年代早期，歐洲知名的女演員，亦係當年具代表性的性感符號。至今，她活躍於義大利人與意裔美國人的相關事務中，特別是國家義裔美國人基金會（NIAF）的最大支持者之一。（☛查看維基）

---

蘇菲亞羅蘭（Sophia Loren）

（1934年9月20日－），義大利國寶級女演員，第34屆奧斯卡影后、終身成就獎、金球獎等眾多國際重磅級電影獎項得主。她更於1999年獲美國電影學會選爲百年來最偉大的女演員第21名。（☛查看維基）

---

地標 - 快活谷馬場

歷史性價值 里程碑意義 先導探源 地標是指某地方具有獨特地理特色的建築物或者自然物，遊客或其他一般人可以從很遠看見而認出自己身在何方。 在現代使用的術語也可以被應用到更小的結構或功能，這或已經成為本地或世界符號。 地標 往往具有歷史價值及里程碑的意義。 快活谷 的環境只不過是塊沼澤地，但它卻是港島唯一的大塊平地。 因此，它被認定為最理想的 馬 場位置。 這些年來，鬧市已在 快活谷週邊建立， 馬 場現在幾乎被高樓大廈包圍。 這的確是它眼前的景象，特別是在晚上，谷內家家戶戶燈火通明。 背景擇要 其中一些近期仍可辨認或未被忘懷，例如： - "過大石鼓"， - "過大石橋" - "過足球會" - "從花園起步" - "到 高爾夫 球會亭" - "上斜" - "入村彎" - "轉養和院彎" 以上名稱常被添加到文字印刷或視聽媒體的評論中。 後來，更多的人加入，如 馬房 彎，975彎，......等。 歷程重點 大石鼓： 幾塊大石及幾株樹木疊成小丘，位於對面直路，是一個有吸引力的觀看賽 馬 好位置。 每逢賽事日， 馬迷 都會聚集在大石鼓上，觀看賽事。 在

::圖文::整理 ◣ 在在總編

---

上一篇

或者藝術X或者革命::〈日本仔侵華造就爸媽的相遇與我的小學年代〉::在在專欄 | 莫昭如 Augustine Mok - vocus

【讀番書雜憶：皇仁的歲月（第一章）】Part 1...點解亞媽同亞爸咁想我入啲名校？大概佢地都知道，喺英國殖民地生活，識英文、講英文、寫英文，前途點都好啲。當然，亞媽帶我去個啲有基督教天主教背景嘅名校相信係因為佢認為呢啲講耶穌嘅學校會將佢個仔變做教徒，而佢覺得做教徒就係做好人。 - 關鍵字:專欄,集體回憶,香港故事,在在專欄,或者藝術X或者革命,莫昭如,皇仁書院,老香港

::在在專欄::總覽:: | 麥璇子~ - vocus

專欄文章列表〉身邊故事｜或者藝術X或者革命｜魚與禪繞｜字.祭.C.拉.符20/20 - 關鍵字:專欄,心靈對話,身邊故事,香港故事,在在專欄,或者藝術X或者革命,魚與禪繞,字.祭.C.拉.符20/20