衰格同事對話_05

又到lunch time同事又圍在一起吹水，今日大家的焦點都落在同事Nicky腳上那對限量板波鞋上，Nicky當然沾沾自喜，又講對鞋幾難買，排了幾多個鐘才買到…等等，但最令Nicky感到有face的，莫過於他可以用半價買這對波鞋，各同事聽到半價二字，即刻出晒心心眼，興高采烈的談起來，當中席上有貪小便宜兼口臭，係公司做了20年都仲係superior的中年男人.Louis，還有一個重要人物亞Me，她雖然係Nicky下屬低Nicky兩級，但在公司嘅地位相當有影響力，而且口齒伶俐，轉數快，深得老闆愛錫

Nicky: 我要打晒人情牌，又搵sales搭路，找到個客嘅亞太區總經理，才借到折扣卡用半價買到。

Louis: 嘩….好勁呀，搭晒路找埋亞太區總經理，先得張折扣卡呀，為何不直接叫他送一對給你?

Louis: 張卡用完未，借我用下，我都想半價買波鞋

Nicky: 已還番比人

Nicky比人暗寸當然超唔爽，見到Nicky給亞Me打了個眼色，醒目嘅亞Me係時候出場護主

亞Me: Louis有骨氣D，唔駛求人，自制半價買波鞋…

Louis: 係?要點?( 心心眼中)

亞Me: (嬉皮笑臉中)敲破自己一隻腳，買一隻……咪半價囉….哈哈

Louis雖然都有點不滿，但Louis亦無可奈何，只可以扮笑

亞Me: 講笑…講笑，唔講邊有得笑，邊有一隻波鞋買…..除非調你去柬埔寨，柬埔寨就有機會一隻、一隻波鞋咁買…..哈哈…哈哈…Louis，不如我幫你開口，跟老闆講，你為了想半價買波鞋，想長駐柬埔寨廠，到時成事，記得封番利是比我呢個中間人….. 哈哈…哈哈(繼續嬉皮笑臉、未講先笑)

Louis開始知道出事，全公司都無人想去柬埔寨做開荒牛

Louis: 其實我係公司咁多年，屬元老級，出入公司有車接送，一對鞋著好耐，你哋無車接送梗係要買多幾對鞋

亞Me: (未講先笑中)哈哈…哈哈哈…..係呀…係呀，元老級真係唔係人人做到，一個位坐20年，唔係人人有咁嘅耐力，我就唔得，而且我無咩志氣，我只係想做seafood，每日淨係游下游下，擺下條尾就得，仲唔駛著鞋…哈哈…哈哈….

Louis超無癮，話自己趕住開會走先，當然我哋個個都知道，係無人會搵佢開會….