蟧蜈（lâ-giâ）生囝（台文）

前幾若工，轉來稅厝的所在，共便所的門打開，看到一隻我叫它大蜘蛛的蟧蜈（lâ-giâ，長腳蜘蛛）佇浴池內底來爬去，爬袂出來，可能無細膩跋落去，爬袂出來。

我攑畚斗佮長鑢仔，共伊硩著，掠出來，想要共伊擲去門口，行到客廳，伊就跳落去塗跤，毋過無馬上走，等一睏仔，我感覺誠奇怪，猶有，伊的身軀下跤有一个白色的圓圓的物件（看相片），平時看著蟧蜈時，無彼个物件，因為白色的，誠明顯。

幾分鐘了後，我要去開浴池的水道頭放水來泡身軀，看到規仔浴池內底佮頂懸的池墘有幾若百隻的細隻蟧蜈走來走去，是我拄拄仔用畚斗佮長鑢仔，共伊硩著的時陣，伊將囡仔噴出來？拄才伊佇塗跤毋走，是佇想伊的囡仔？伊離開生囝的所在，囡仔欲按怎活？（想傷濟）

這馬是我欲按怎發落遐的細隻蟧蜈？佇浴池內底的，就無法度，用蓮花頭共𪜶沖入排水空，浴池頂懸的，用一條乾的面巾，共𪜶掃落塗跤，緊咧去逃生。

幾若工後，我佇房間地板下跤，看到一粒圓圓閣白白的物仔，當時黏佇伊的腹肚下跤彼粒，差不多有2倍大。

我查資料，頂懸寫著：

「有些種類的蜘蛛雖不會結網，但都會吐絲作卵囊，白額高腳蛛也是如此，牠還是一個好媽媽，會抱著卵囊到處遊走，直到幼蛛孵化出來為止。」

白白彼粒可能是伊的卵胿耶！