歌詞
你的心囥佇佗位 莫想欲得懸分
lí ê sim khǹg tī tueh mài siūnn-beh tit kuân-hun
music make me find the way
music make me find the way
毋是為著爭冠軍
m̄-sī uī-tio̍h tsing kuan-kun
咱攏為著文化拍拚
lán lóng uī-tio̍h bûn-huà phah-piànn
目󠇡的󠇣毋是欲比啥人贏
bo̍k-ti̍k m̄-sī beh pí siáng iânn
對󠇡跳舞到唸歌
tuì thiàu-bú kàu liām-kua
兄弟愈耍愈大攤
hiann-tī lú sńg lú tuā-thuann
對󠇡公園跳到北流󠇡
tuì kong-hn̂g thiàu kàu Pak-liû
跤步從來毋捌踏差
kha-pōo tsiông-lâi m̄-bat ta̍h-tsha
時代交接
sî-tāi kau-tsiap
台灣出過幾个人才󠇡
Tâi-uân tshut-kuè kuí ê jîn-tsâi
愛為著文化付出
ài uī-tio̍h bûn-huà hù-tshut
莫袂記你對佗位來
mài bē-kì lí tuì tueh lâi
萬事愛用心看
bān-sū ài iōng-sim khuànn
𪜶選擇󠇡虛華
󠇡in suán-ti̍k hi-hua
我將人󠇡生交予 hip hop
guá tsiong jîn-sing kau hōo hip hop
經過大起大落
king-kuè tuā-khí-tuā-lo̍h
𪜶攏愛比大小
in lóng ài pí tuā-sió
提金錢佮權力來騙你外面偌好
the̍h kim-tsînn kah khuân-lī lâi phiàn lí guā-bīn guā hó
毋願將夢想󠇡重󠇢編
m̄-guān tsiong bāng-sióng tîng pian
咱重󠇣新徛起就算落落去萬谷深坑
lán tiông-sin khiā-khí tiō-sǹg lak--lueh bān-kok-tshim-khenn
心冰的 感情猶是深的
sim ping--ê kám-tsîng iáu-sī tshim--ê
咱做伙相鬥陣󠇡的誠󠇡懇才是真的
lán tsò-hué sio-tàu-tīn ê sîng-khún tsiah-sī tsin--ê
講明的 行偏路的真濟
kóng bîng--ê kiânn phian-lōo--ê tsin tsē
我跤頭趺無好 我習慣講真話
guá kha-thâu-hu bô hó guá si̍p-kuàn kóng tsin-uē
用母語發聲胸坎擔起來 莫驚人嫌
iōng bó-gí huat-siann hing-khám tann--khaih mài kiann hiâm
恁攏莫叫我台客
lím lóng mài kiò guá táikè
我是正港的台灣人
guá sī tsiànn-káng ê Tâi-uân-lâng
你的心囥佇佗位 莫想欲得懸分
lí ê sim khǹg tī tueh mài siūnn-beh tit kuân-hun
music make me find the way
music make me find the way
毋是為著爭冠軍
m̄-sī uī-tio̍h tsing kuan-kun
咱攏為著文化拍拚
lán lóng uī-tio̍h bûn-huà phah-piànn
目󠇡的󠇣毋是欲比啥人贏
bo̍k-ti̍k m̄-sī beh pí siáng iânn
想欲飛上天 無咧耍心機
siūnn-beh pue tsiūnn thinn bô leh sńg sim-ki
恁共我搝轉正途 永遠佇我身邊
lín kā guá giú tńg tsiànn-tôo íng-uán tī guá sin-pinn
恁無道義 心愛囥著位
lín bô tō-gī sim ài khǹg tio̍h uī
早就枵甲載袂牢等一改時機
tsá tiō iau kah tsàn bē tiâu tán tsi̍t kái sî-ki
欲搶大位 手指 刻著我名字
beh tshiúnn tuā-uī tshiū-tsí khik-tio̍h guá miâ-jī
本名 王景鐿 莫袂記家己
pún-miâ Ông Kíng-ì mài bē-kì ka-tī
我袂記彼時陣 你有啥物疑問
guá bē-kì hit sî-tsūn lí ū siánn-mih gî-būn
過去到這時陣 我是啥物身份
kuè-khì kàu tsit sî-tsūn guá sī siánn-mih sin-hūn
真濟人毋知好䆀 欲軟塗深掘
tsin tsē lâng m̄-tsai hó-bái beh nńg-thôo-tshim-ku̍t
來逼我動手
lâi pik guá tāng-tshiú
我的心雲遊四海 一斗予定起來
guá ê sim hûn-iû-sù-hái tsi̍t tàu hōo tiānn--khí-lâi
不再做浪子
put-tsài tsò lōng-tsú
日頭落幾个黃昏
ji̍t-thâu lo̍h kuí ê hông-hun
無緣的姑娘
bô-iân ê koo-niû
我不再是你的郎君
guá put-tsài sī lí ê lông-kun
過去看貓無點這馬敬我三分
kuè-khì khuànn niau bô tiám tsit-má kìng guá sann hun
心愛囥著位才是正港冠軍
sim ài khǹg tio̍h uī tsiah-sī tsiànn-káng kuan-kun
你的心囥佇佗位 莫想欲得懸分
lí ê sim khǹg tī tueh mài siūnn-beh tit kuân-hun
music make me find the way
music make me find the way
毋是為著爭冠軍
m̄-sī uī-tio̍h tsing kuan-kun
咱攏為著文化拍拚
lán lóng uī-tio̍h bûn-huà phah-piànn
目󠇡的󠇣毋是欲比啥人贏
bo̍k-ti̍k m̄-sī beh pí siáng iânn
詞彙整理
- 囥 khǹg：放入。存放。
- 跤頭趺 kha-thâu-u / kha-thâu-hu：膝蓋。
- 擔 tann：以肩挑物；表示把頭抬起。
- 搝 giú / khiú：拉、拉扯。
- 載 tsài：支撐、承擔。如：「接載 tsih-tsài」，也常念作 tsih-tsàn
- 軟塗深掘 nńg-thôo-tshim-ku̍t：得寸進尺。軟的泥土比較容易挖掘，用來比喻老實人或讓步者容易被欺負。
