跟團方便

你要知道我老母是咩人，佢想跟團就跟團，跟團都好，食好住好，有咩可以賴個導遊。主要係去吉隆坡，然後有一天會去怡保，已跟曾如欣約好了見一見面。

講開我老母，佢真係好自私，我老豆下星期六生日，佢本人已經搵好餐廳表示想食一間日式放題，就叫我家姐去訂位。然後我老母話， 咩事要出去食飯，我老豆就話你唔記得我生日呀，跟住我老母反咬人一口話，唔記得咪唔記得囉，一定要記得㗎，跟住就開始踩呢間餐廳唔好食，不如去邊邊邊好過。咁我終於都出聲喇，老豆生日想食呢間餐廳，你收聲啦。就咁收咗佢皮。

佢永遠都要做話事嗰個，永遠都要以自己做出發點，自私到一個點。

最近我都冇咩特別事情發生，喺需要多點時間同新阿姐磨合，因為我做咗三年，有好多同事team head 會直接搵我，有時候啲溝通就好似跨過咗佢咁。我本人完全冇想踩住去上嘅任何意思，我淨係想全力支持佢，我覺得我都已經deliver到個 message 俾佢知‘’我唔會同你爭‘’。

就係咁，我又發覺到自己性格特別好，與世無爭，唔鍾意搶人風頭。讚一讚自己先。