付費限定文章

銷售工程師 (Sales Engineer) 係點嘅工作呢？

接下來我想在這裡講各行各業嘅真實情況。我成日都覺得一般外界對於職業嘅介紹根本係誤人子弟。各行業嘅實際情況一定要及早讓學生知道，咁樣佢地先可以判斷自己適唔適合該行業，然後就唔會係大專揀錯科，繼而白白浪費了青春。

第一次我就講返自己嘅職業 - 工程師。係香港讀工程，主要有兩條出路，一係做IT，另外就係地盤。而我就係後者。 其實工程師又咪係地盤佬......

通常讀完機械/電子/屋宇設備工程出來係建築業界可以有幾個選擇：

1. 大判 (人工較高, 冇做過）

2. 顧問 (個名好聽啲, 人工不太高, 冇做過）

3. 分判商 (人工中等）

4. 供應商 (人工睇你搵唔搵到生意）

今篇首先講供應商。 我一畢業唔知痴左邊條筋，走左去做 屋宇設備嘅供應商。卡片的工作職位幾好聽架，叫做「助理銷售工程師」。係「工程師」呀！想不到一畢業就成為工程師，當時心中實在有一股感動。

工作環境主要係辦公室, 相比起頭三種工種算係舒服好多。其實供應商即係工程界嘅sell屎，你嘅主要工作就係同分判商嘅工程師打好關係, 定期請佢地飲茶食飯，介紹下啲新產品；返到公司就打下報價，將產品嘅 Catalogue及相關報告電郵給他們做submission。