當首爾仍是叫漢城的那些年（伍拾陸）
閱讀時間約 8 分鐘
一對情侶之間，究竟會有幾多個紀念日？生日當然係其中嘅兩個，相識紀念日、結婚紀念日、拖手紀念日、kiss 紀念日；呢啲我都聽過。
Chloe 都好注重紀念日，還好未到 fuzzy 嘅程度。秋夕係我哋嘅第一次約會紀念日，我哋去咗台灣，玩咗四日；喺蚵仔煎、滷肉飯、愛玉檸檬、鼎泰豐、春水堂、老天祿之間渡過咗我哋嘅約會週年紀念。
秋去冬來，冬天對於我哋嚟講，都係好開心嘅季節。因為除咗聖誕之外，十二月廿四平安夜，亦係我哋嘅拍拖週年紀念日。
平安夜，下午時份，老地方室內範圍。
Chloe 對住佢阿姨個全身鏡，整理緊佢嘅衣衫。
「我哋好似好過份囉……」我唔知係自言自語，定係同緊佢講。「呢個話晒都係你阿姨嘅 office……」
「驚咩喎，」佢邊照鏡邊答。「佢又唔喺度。何況，咁真係好浪漫吖嘛！呢度係我哋開始嘅地方嚟㗎！」
「我哋開始嘅地方係樓上天台喎。」我更正佢，向上指一指。
「咁而家我哋上去造多次囉。」佢啤住我。外面零下六七度起碼，造完唔肺炎都腎炎……
「得喇，唔使客氣，」聽完都打冷震，我仲未想凍死住。「我都係鍾意喺屋企舒舒服服。」
「好呀，我哋有成個星期假可以舒舒服服……」佢望住我，好頑皮咁笑。
「你可唔可以唔好咁咸濕呀金銀美？」我問佢；當然係口是心非。
「乜你唔係鍾意我咸濕嘅咩？」佢擺出一個詫異樣。
「咁我哋仲會唔會按照計畫慶祝呢，咸濕妹？」我望住佢笑。
「Of course!」佢答我。「我哋上去 setup 咯。」我點頭。
兩星期前，我哋趁聖誕大減價，買咗一把連石油氣煖爐嘅太陽傘，傘邊仲有勾，可以掛擋風幕。我哋決定，今日慶祝週年紀念日，順便啟用新太陽傘。
唯一嘅小小難題，就係我要搬罐石油氣上天台。
「呼……搞掂喇！」我終於抬咗罐石油氣上去。細個嗰陣，阿媽成日嚇我，話唔讀書大個之後要托石油氣就知味道；原來佢係啱嘅。
「蠢蛋哥哥好勁呀！」Chloe 笑得好古惑。「做咗咁多劇烈運動，都仲搬得郁咁重嘅嘢喎！」
我冇佢咁好氣，將石油氣按說明書駁好，掛起擋風幕，留返有景觀嘅一個出入口，然後開煖爐！
「Yes!」Chloe 望住漸漸光亮嘅煖爐，非常興奮。「好嘢，以後一年四季都可以上嚟老地方喇！」
Setup 搞掂後，我哋都將其他嘢拎出嚟。今晚，我哋諗住喺呢個露天煖房裏面，食갈비탕 （Galbi-tang/牛肋骨湯）慶祝，連打邊爐用嘅 gas 爐我都帶埋嚟。
Chloe之前一日已經煮落牛肋骨湯，隔咗一夜，啲湯應該更入味。佢嘅烹飪手勢毋庸置疑，今晚一定有好嘢食。
晚飯後，仍是老地方。
「Cause you know just what to say, and you know just what to do,」Chloe 隨口哼起，當日我向佢示愛嘅《Hello》。「and I want to tell you so much, I love you.」
「蠢蛋呀，」佢唱完歌，伏咗喺我膊頭。「點解會揀呢首歌嘅？」
「其實呢，」我向佢講出真相。「我想揀嘅歌係《Always on my mind》，但係臨急臨忙搵唔到隻 CD，所以揀咗《Hello》。」
「咁呢個係意外收穫嚟㗎，」佢笑一笑。「我好鍾意《Hello》呢首歌。」
「係呢，」到我想八卦一吓。「點解嗰晚，你會主動要求上我屋企過夜嘅？」
「唔……點講呢？」佢個樣有啲認真，耳根有啲紅。「同你一齊之後，我好想擁有你，好想……有你喺我身體入面。原本想就咁拖你落去 office 㗎，不過諗諗吓，我哋先啱啱喺埋一齊十幾分鐘，唔想嚇親你，以為我係女色魔！哈哈！」
「果然係咸濕妹！」我笑佢。「係咪韓國女仔都係咁㗎？」
「我點知人哋咁多喎......」佢輕輕打咗我一吓。「呢啲唔係叫咸濕，其實我對情慾嘅追求唔係咁大；只不過喺嗰一刻，好想佔有你之餘，都好想俾你佔有我。」
可能呢啲就係 Unresolved Sexual Tension 啩？
「你以前都係咁㗎？」我知我係踩緊界，有啲嘢唔應該問，但我忍唔住我嘅好奇心。
「以前？哈！」佢向天打咗個哈哈。「其實同你一齊之前，我只係試過一次。」
「一次？之後就冇？」我更好奇。
「唔；」佢點一點頭。「其實佢……都唔係咁鍾意我；係我死唔肯放手啫……我以為咁樣有用，點知……結果都係唔得。」佢個樣有啲落寞。
「Sorry 呀小美，其實我唔應該問……」鑊鑊都係我衰多事。
「傻豬，唔使 sorry 喎。」呢句「傻豬」係廣東話，我教嘅。佢講完之後，坐咗上我大脾攬住我。「我而家有你咪得囉，我知你會好錫我。以前嘅嘢，我唔需要再介意咁多。」
「點解你好似咁肯定，你要嘅人就係我？」其實從我哋重遇開始，佢就好似好肯定，我係佢嘅理想對象；坦白講，我唔覺得我係個咁好嘅男朋友。
「同一年前嘅答案一樣：我唔知。」Chloe 好認真咁望住我。「有時愛一個人，除咗好多好多嘅考慮之外，到最後，都係靠一個直覺。但係經過呢一年，我相信，我冇揀錯人。我相信，你就係我想要嘅人。」
「咁如果你真係揀錯人呢？」唔知點解，我好想喺呢個位玩吓佢。
「其實我一腳伸你落南山都唔難㗎！」佢笑笑口啤住我。「想唔想試吓吖？」
「你捨得咪伸囉……」冇錯，呢招跟佢學嘅。
「唔捨得，」佢攬住我，個答案稍稍有啲意料之外。「你係我嘅！搵唔返咁點算呀！」
Chloe 另外一樣可愛，係佢從不諱言對我嘅愛；佢從來唔會好似其他女仔咁，擔心「如果我愛佢多過佢愛我，咁點算？」呢啲問題。同佢一齊，永遠有一種被愛嘅幸福感覺。
聖誕日下午，我屋企。
今日好熱鬧，我請晒我所有熟朋友嚟我屋企搞大食會。美恩、Ricky、George、Kirsty、惠晶、3S、Christine，全部嚟齊。可惜 Esther 兩姊妹返咗鄉下，否則仲熱鬧。
「你兩個好噁心呀！」惠晶望住我哋嗰張 1:1 全身相，面容扭曲。「有冇顧及過觀眾感受㗎你哋？我一陣唔使食嘢啦！」
「你唔好咁 mean 啦！」Kirsty 輕輕拍咗佢個頭一吓。冇錯，拍惠晶個頭都係我哋同事間嘅習慣之一，好快會成為習俗。
「惠晶妹妹，」Chloe 行埋去，搭住佢膊頭。「搵個男朋友，你都可以影返張㗎！」大家大笑。
「死開啦你！」惠晶撥開 Chloe，行去攞汽水飲。可以睇得出，佢兩個仍然係針鋒相對，但係已經少咗火藥味，開始有啲似係朋友間嘅串嚟串去。
「Alan, Chloe,」Christine 望住張相同我哋傾偈。冇錯，我哋同佢都 friend 埋；兩個同鄉人在異鄉，要 friend 真係唔難。「有冇興趣，不如再幫我哋嚟多一輯？」
「你唔好搞我，」我耍手擰頭。「呢輯相出街期間，我連明洞鍾路都唔敢去呀，幾乎想戴頭套出街！仲嚟？」
「哈哈！邊有 model 好似你咁怕醜㗎！」Christine 大笑。
由於我哋個 party 係 potluck 形式，食物 free float，大家行來行去傾住食，所以冇坐埋一檯。
喺呢個時候，Ricky 突然敲杯，示意有嘢宣布：
「各位，唔……我同美恩，決定喺明年九月結婚！」
聲音剛落，霎時間歡聲雷動，個個爭相恭喜 Ricky 同美恩。
「恭喜晒姐姐！」Chloe 行埋去攬住美恩。「恭喜你哋兩個呀！」
「多謝妹妹！你同弟弟都要咁幸福㗎！」美恩拉咗 Ricky 埋嚟，對住我同 Chloe 講。「弟弟妹妹，我哋想你兩個，做我哋嘅伴郎伴娘呀！」
「冇問題！」我哋異口同聲咁答。
「婚禮日期係九月四日，星期六；」美恩開始講詳情。「我哋訂咗 Swiss Grand Hotel 嘅花園，諗住搞 garden party wedding。」
Swiss Grand，我不由自主咁諗起 Colette。
其實我哋仲有保持聯絡，佢而家喺一個 NGO 度做緊 fund raising 嘅工作；呢個假期，佢都係返咗去 LA 陪媽媽。
原來，我同 Colette 都分開咗年幾喇。
「Alan，」Chloe 輕輕叫咗我一聲，同時攬住我。「睇見姐姐咁幸福，我好開心呀！」
見到之前情路崎嶇嘅美恩終於得到幸福，作為弟弟，其實我都好開心。
「我同你都好幸福吖！」我答佢；佢用力點頭，笑得好甜。
今個聖誕好溫暖。
（待續）
為什麼會看到廣告
34會員
111內容數
時間係1997年5月中，剛剛完成學業嘅我身在華盛頓，正在考量緊我嘅未來。我可以選擇留喺美國發展，我internship嘅老細（即係美國政府）同我有共識，我畢業後可以留喺政府工作。或者我可以選擇出去闖一闖，見識吓呢個世界。當年仲係年青嘅我選擇咗後者，因為我覺得我仲未需要搵一份工困住自己......
留言0
查看全部
你可能也想看
Google News 追蹤
這個秋，Chill 嗨嗨！穿搭美美去賞楓，裝備款款去露營⋯⋯你的秋天怎麼過？秋日 To Do List 等你分享！
秋季全站徵文，我們準備了五個創作主題，參賽還有機會獲得「火烤兩用鍋」，一起來看看如何參加吧～
美國總統大選只剩下三天， 我們觀察一整週民調與金融市場的變化（包含賭局）， 到本週五下午3:00前為止， 誰是美國總統幾乎大概可以猜到60-70%的機率， 本篇文章就是以大選結局為主軸來討論近期甚至到未來四年美股可能的改變
來韓國旅行最值得住的首爾明洞飯店，一次推薦給你🤩如果你正在猶豫來首爾自由行要住哪，這篇文你一定要看下去！明洞是首爾必去的景點之一，也是交通非常便利的一個城市，周邊還有好多好吃好逛的~在這裡也有許多不同特色的房型，不論你是單人還是多人，都有適合你的首爾住宿選擇，快跟著AsiaYo一起來明洞看看吧！
《可憐的東西》是一部充滿深度的電影，除了帶給觀眾感官享受，還隱含著許多深刻的內涵。從故事中可以看到冒險、實驗、與人類的成長，帶給觀眾不同的啟發和思考。觀眾在觀影後，可以自我審視，檢視自己是否保有冒險之心，以及是否有勇氣持續實驗人生。
這天中午比較熟韓國的朋友說，有個超人氣的起司年糕鍋激推必吃，既然是超夯美食當然不能錯過呀～餐廳從外觀看起來有點像是民房改建而成的，裡面的座位也是一間一間隔開，我們也算幸運，當時也沒排什麼隊就進店入座了。
外資今 (4) 日買超台股 15.4 億元、台指期同步回補空單，現股方面，外資買超緯創 (3231-TW)7939 張最多，而面板雙虎不僅遭外資賣超 3.1 萬張，投信也同步調節。
StatMuse描述了籃網三巨頭的改變。從杜蘭特、歐文和哈登的三巨頭陣容，但如今這三人都被交易走，球隊只剩本-西蒙斯。
西蒙斯：我就睡了一覺，成老大了？
CJ-麥科勒姆發推調侃道：“一切都是因為莫蘭特說他們在西部沒有對手”
據統計，詹姆斯和杜蘭特已經連續11次錯過交手，上次交鋒還是在2018年聖誕大
讀到格友一篇關於手寫的文章，同時附上了他的手寫字跡，不禁讓我想起前不久整理舊物偶然發現一張泛黃的活頁紙。
看到活頁紙我手寫的詞句，讓我回到了當年的心境：
金光閃閃的人生，大家都想要
融和財富的教學文章或影片，網路滿滿有
教你如何得到財富，去上網路課，去加入分潤平台，去炒股.....
學到了有沒有賺到錢真的是天知道
所以哪天你發財了，不要說很努力好嗎?這世間上多的是很努力卻沒發財的人。
突然想到，這文章可以叫做《想到哪裡寫到哪裡的系列》
這個秋，Chill 嗨嗨！穿搭美美去賞楓，裝備款款去露營⋯⋯你的秋天怎麼過？秋日 To Do List 等你分享！
秋季全站徵文，我們準備了五個創作主題，參賽還有機會獲得「火烤兩用鍋」，一起來看看如何參加吧～
美國總統大選只剩下三天， 我們觀察一整週民調與金融市場的變化（包含賭局）， 到本週五下午3:00前為止， 誰是美國總統幾乎大概可以猜到60-70%的機率， 本篇文章就是以大選結局為主軸來討論近期甚至到未來四年美股可能的改變
來韓國旅行最值得住的首爾明洞飯店，一次推薦給你🤩如果你正在猶豫來首爾自由行要住哪，這篇文你一定要看下去！明洞是首爾必去的景點之一，也是交通非常便利的一個城市，周邊還有好多好吃好逛的~在這裡也有許多不同特色的房型，不論你是單人還是多人，都有適合你的首爾住宿選擇，快跟著AsiaYo一起來明洞看看吧！
《可憐的東西》是一部充滿深度的電影，除了帶給觀眾感官享受，還隱含著許多深刻的內涵。從故事中可以看到冒險、實驗、與人類的成長，帶給觀眾不同的啟發和思考。觀眾在觀影後，可以自我審視，檢視自己是否保有冒險之心，以及是否有勇氣持續實驗人生。
這天中午比較熟韓國的朋友說，有個超人氣的起司年糕鍋激推必吃，既然是超夯美食當然不能錯過呀～餐廳從外觀看起來有點像是民房改建而成的，裡面的座位也是一間一間隔開，我們也算幸運，當時也沒排什麼隊就進店入座了。
外資今 (4) 日買超台股 15.4 億元、台指期同步回補空單，現股方面，外資買超緯創 (3231-TW)7939 張最多，而面板雙虎不僅遭外資賣超 3.1 萬張，投信也同步調節。
StatMuse描述了籃網三巨頭的改變。從杜蘭特、歐文和哈登的三巨頭陣容，但如今這三人都被交易走，球隊只剩本-西蒙斯。
西蒙斯：我就睡了一覺，成老大了？
CJ-麥科勒姆發推調侃道：“一切都是因為莫蘭特說他們在西部沒有對手”
據統計，詹姆斯和杜蘭特已經連續11次錯過交手，上次交鋒還是在2018年聖誕大
讀到格友一篇關於手寫的文章，同時附上了他的手寫字跡，不禁讓我想起前不久整理舊物偶然發現一張泛黃的活頁紙。
看到活頁紙我手寫的詞句，讓我回到了當年的心境：
金光閃閃的人生，大家都想要
融和財富的教學文章或影片，網路滿滿有
教你如何得到財富，去上網路課，去加入分潤平台，去炒股.....
學到了有沒有賺到錢真的是天知道
所以哪天你發財了，不要說很努力好嗎?這世間上多的是很努力卻沒發財的人。
突然想到，這文章可以叫做《想到哪裡寫到哪裡的系列》