無力的日子最適合寫信和時代日記。累得不想寫影評甚至不想看電影，又不願荒廢光陰，就跟手足談電影吧，算是給自己下一條頹廢的底線。
手足你好：
願你一切安好，保重身體。
近期上映《狂舞派3》，都想同你分享下。本身冇睇過《狂舞派》，預期會講下青春、熱血、夢想之類嘅野啦，但都聽過人地講少少，會提到地產霸權、年輕人嘅困境，知道套戲都唔係咁輕鬆嘅。
咁電影一開始就係話一班熱愛跳舞、紮根「龍城」區工廈嘅年輕artists （主要係dancer同rapper）係拍完《狂舞派》1同2之後，開始多左知名度同工作機會，更引尼「城市優化辦公室」嘅注意，邀請佢地推廣區內所謂活化計劃。整個「狂舞街」出尼，然後整啲graffiti塗鴉啊，不時現身跳舞表演啊，拍好多宣傳片去推廣所謂活化。
