我諗十個有九個女人其實都想搵一個男人可以依靠，可以依賴，可以絕對信任。
每個女人都想搵一個好歸宿
放左學返到男人屋企其實原本係有一個幾好既晚餐氣氛，前題係忽略食緊野男人叫你做乜做物，再忽略埋男人同你講：你係咪盲架？
其實講者無心，但我直接覆左一句：我係盲架。男人表示啞口無言。
男人不滿地表達：
點解你咩都唔同我講？我永遠係最後一個先知
點解你信其他人都唔信我
我咩都第一時間同你講，咁你呢？你係咪真係要激到我發脾氣你先開心？
我至憎人地答我《哦》，點解你都要咁做
我每個星期見你係以分鐘計
女人係個一刻其實咩都冇講，仲要默默地執返起扔晒落地既野，其實女人係想同男人講
每一次同你講我有咩事你永遠都係聽唔到，寧願望電話都唔肯望住我
講完之後同我講：講左咁耐個重點呢？我都唔知你講乜，講咁多廢話做乜
我好想日日返工？你有錢個時係唔會儲錢，連屋租都話：我今個月嚴重冇錢。即係點？將個波射俾我？
我每次過到黎都係未停過咁做做做，起碼煮埋野俾你食先，因為知你零晨要返工。你食完就係床度攤，打機，望電話...但我呢？你從來唔會幫手執野，其實你當我係乜？
你會話我成日係你傷口上踩多兩腳，但其實你都一樣呀炸。
係你話唔會令我輸，但令我輸得最徹底個個係你。
5年前你話會娶我，但呢一刻我好慶幸我仲未嫁你。因為...
我未嫁時已經係貼錢既工人，呢個係你做出黎俾我望到既感覺呀。我累了