最近碎碎唸 之 又沉迷返清宮秘聞│90年代港產風月片慈禧的秘密生活│清宮二年記│瀛台泣血記│我的前半生
呢幅係慈禧太后第一幅，由西洋畫師創作既油畫，慈禧好唔鍾意西方打陰影 半陰陽臉既畫法，覺得唔好意頭，所以畫師係有順應佢要求而將佢塊面畫得咁光。
兩個月前一度沉迷埃及史（可見之前的文章：Netflix《埃及妖后 Queen Cleopatra》的新詮釋│非洲女王系列│埃及托勒密王朝末代女法老的求生爭霸戰），返返黎現實之後，最近兩個月又跌左入清末歷史。
話說幾年前睇過兩本書《我所知道的末代皇後隆裕：慈禧曾孫口述實錄》、《日本人眼中的慈禧》，又睇過由尊龍、梁家輝兩個唔同版本既溥儀電影，仲有梅姐既川島芳子電影，2019年仲已經計劃埋去吉林長春睇偽滿皇宮博物院，睇曬所有行程，不過後來轉軚solo travel去左杭州西湖、雷峰塔、飛來峰、靈隱寺，然後就是世紀疫症降臨了… 今夕是何年？🥹🥲
事緣一段歷史片段，繼而睇左裕德齡所著既<#清宮二年記>（主要係講慈禧收尾果幾年），睇完開始寫下閱讀心得，寫到8成，圖都砌左十頁了
.
但發現欠了點東西，想知道多點光緒既事情，於是左搵右搵，放棄係大陸網訂實體書（驚中伏買到本殘破既二手書、又唔知點解運費好高），幾經艱苦係大學圖書館連去大陸既學術電子書庫搵到由被譽為上海著名作家及鴛鴦蝴蝶派代表人物秦瘦鷗翻譯、原著是由德齡用英文寫的<#瀛台泣血記> 。真的有夠難找…
.
睇到一半又開左張戎<#宋家三姊妹>同同埋溥儀既<#清宮二年記瀛台泣血記我的前半生>。
大混亂…🙈
好奇之下又搵到套90年代港產風月片、邱淑貞主演既<#慈禧的秘密生活>黎睇，對於慈禧既前半生又充滿左興趣。。。
另外，關於宋家三姊妹其實有套千萬票房港產片《宋家皇朝》（1997年上映）我都一直好想睇🙃，係由張曼玉飾宋慶齡（孫中山的妻子）、楊紫瓊飾宋靄齡（孔祥熙的妻子）、鄔君梅飾宋美齡（蔣介石的妻子）。
飾孫中山既係台灣演員趙文瑄，佢唔係典型靚仔，但佢演既角色都好令人印象深刻，有睇李安90年代既劇情片父親三部曲推手、囍宴、飲食男女，仲有關錦鵬既紅玫瑰白玫瑰既話，對佢一定唔陌生~
睇呢樣又睇果樣，樣樣都有排先睇得完… 呢個故事教訓三心兩意既結果就係咁 💩
無咩事都係返出去繼續睇書。。。
btw 時間管理大師下一批要睇既仲有李翰祥既清宮三部曲其中既兩套：《火燒圓明園》、《垂簾聽政》(《火龍》之前睇左)
［完］
如果你鐘意我寫既野，歡迎留言交流下啦～ 🤓另外都請幫忙：
1. 按藍色圓圈內的手掌6次（LikeCoin最多可按6下）
2. 在左下角長按手掌鼓勵鼓勵我啊 ^_^ 溫馨提示：Medium 拍掌上限係50啊。多多益善，少少無拘
3. 贊助我飲杯啡 努力寫多D → https://www.buymeacoffee.com/wong.ellaa
4. 挨豬 🐷 [email protected]_blog
謝謝 ❤❤
