已經袂記得頂一擺讀傲慢佮偏見是佇當時，可能是高中ê時陣？頂一站仔發現這本我足佮意ê文學經典有台語版本，感覺足歡喜嘛足好玄，連鞭買來欣賞。
相信逐家對故事情節已經誠熟似，佇遮我就毋加講，單純分享對台語翻譯ê想法。我感覺出版社佮翻譯者攏足用心，毋但故事ê理路誠明白，閣加添一寡仔在地ê台語詞佮表達方式，這是對台語有夠了解ê人才做會到，毋是干焦佮字面上的意思翻譯成做另外一種語言爾爾，規篇讀來親像八點檔電視劇按呢，誠趣味。另外，有聲冊版本嘛是一定愛聽，主播ê氣口予我這個大港囡仔聽了足心適，總講一句，媠氣！
真多謝出版社用心製作傲慢佮偏見ê台語版本，向望未來會當製作閣較濟經典文學的台文翻譯，予台文讀者、學習者、囡仔人攏會使得用這个美麗的語言來欣賞經典。勞力！
出版社提供第一章ê錄音試聽，聽了佮意愛會記得買冊佮支持！
（台文書寫初學者，如有錯誤歡迎指教！）
喜歡以上的心得分享嗎？歡迎透過以下連結購書，同時也能支持我繼續創作：
