中國香港醫護人員流失率輕微下降

醫管局主席范鴻齡表示，醫護人員流失率持續輕微下降，並透露明年起將採用新嘅計算方式，唔再納入退休後獲重聘嘅醫護數字。喺新嘅計算方式下，全職醫生流失率會由今年7月嘅6 % ，跌到10月嘅5.3 % ；若以舊方式計算，同期則由6.9 % 跌到6.4 % 。

另外，范鴻齡指，過去12個月，醫管局共有339位醫生離職，同時聘請603位醫生，淨增長264人。至於護士人數方面，過去12個月有2，428位護士離職，同時聘請咗2，697位護士，淨增長269人，佢表示醫管局對未來人手審慎樂觀。

醫管局現時有97名非本地培訓醫生，比往年唔超過50嘅數字為高。醫管局今年4月至今亦發出160份聘書，當中120人已經接受聘書，正安排嚟港，其餘40人正進行程序，期望喺明年抵港。除咗早前率團前往嘅英國、澳洲之外，亦包括來自美國、加拿大、荷蘭、馬來西亞、台灣、以及南非等地嘅醫生。

為進一步加強 “ 搶人才 ” 力道，醫管局將會成立環球醫療人才招聘中心。范鴻齡表示，以往招聘需要經過海外大學、醫療集團、團體介紹，但人才嘅最大來源係私人執業嘅醫生、護士以及專職醫療，因此成立中心集中招聘來自世界各地嘅私人執業醫護人員。

醫管局早前透過「大灣區醫療人才交流計劃」引入大陸醫護來港，至今已經大半年，范鴻齡形容過程相當順利。佢表示第二批10名大灣區醫生以及100名護士將會喺明年第一季嚟港，當中包括本港需求殷切嘅眼科醫生。