假如。。。

近呢兩日我留意到自己要諗好耐先諗起自己前一日做過既野，又留意到日光日白既自己好容易眼訓同累，又留意到體重再輕左，上星期先係香港磅過，直到尋日再磅，我再輕左1公斤，我開始懷疑唔係個磅出問題，其實應該係我出問題？

假如我有絕症，其實係件好事，起碼呢個世界好快就少一個危害人間既人存在，亦可以受到應有既報應。

我最愛既人已經離棄我，我原本已經唔再諗想死，因為我死左就唔可以再拼命去追返我愛既妳，但我已經唔敢再去諗，基本上每一日可以比我放空既時間和都會諗起妳，妳還有想起我嗎？

我諗起我地一齊捱既日子，諗起我地一齊開心既日子，諗起我地一齊鬧交既日子，每次諗起我雖然都會爆喊，但我發現我都會笑一笑，我一直都覺得，只要想起回憶果個人，不論個回憶係做緊咩都好，你回憶既時候都識笑，證明你你真係好認真咁去愛呢個人，我做到，我真係做到。

我冇諗過自己係如此深愛妳，我根本冇諗過要傷害妳，我知道妳係願意陪我捱，但我唔想見到妳辛苦，以前我會諗，我辛苦會有妳支持我，所以我希望將所有辛苦同壓力都放係我度，有妳支持我就已經足夠，因為妳比我好大既力量，妳對我既支持令我願意去做個勤力既人，妳對我既愛令我願意去為妳做任何事，妳對我既關心足以令我覺得只有妳係我身邊我就好安心。

同妳一齊十年，妳令我好安心，好舒服，我講唔出愛妳啲乜野，因為愛其實係冇原因，好多年前我已經同自己講，妳就係我最後一個，亦係唯一一個，除左妳，我唔會再同第二個一齊，亦都唔會離開妳。

假如我有絕症，我會點做呢？呢兩日不停係度諗，當然我唔希望自己真係有絕症啦，但一個人傷心到絕望既時候我諗都會諗下掛。。。

今晚我隻腳不停抽筋，好辛苦，訓唔到呀。。。