巡田園翻田塗讀著這篇 #記錄寫 tī IG ê 文字
Tsa̋ng(12.07) uī-tio̍h 一篇 m̄ 知結果 ē 如何 ê 稿規日貼貼到暝半。透早一精神隨感覺食力，鼻頭薟薟腦 tun-tun 嚨 ta-ta，這凡勢是文昌帝君 teh kā 我點拄「你無 hit-loo 2步7仔。」
吐一口氣，承認家己 ê 頇顢枵狗痟想豬肝骨，枵貓痟想海底魚就走甲遠遠遠 ê 承認家己是冇蟳無膏，m̄ 通繼續按呢舞豬舞狗 kā 家己舞甲一暝無暝，三暝補 buē 盡。我又閣成做貓我是 uī-tio̍h 啥物代誌舞死家己？台文寫甲攑蠓捽仔行雲頂 hōo 家己捎無摠，看德文 #Aufzeichnung der auf Instagram geschriebenen WörterGestern probiere ich ein Artikel zu schreiben, das ist nur eine Aufsatz, aber ich schreibe über 12 Stunden und heute fühle ich mich so müde, ich meine Körper ist müde mein Geist nicht.
Ich liebe den Artikel zu schreiben, aber ich denke ich habe kein Talent, oje, ich probiere ein Aufsatz schreiben für kleines Geld zum neuen Bücher aus Taiwan zu kaufen.
啊，原來如貓，是彼聽翁褒嗦褒甲掠做家己是歌德 ê 三不等投稿。是講我是 uī-tio̍h 佗一條細條錢 teh 一暝無暝，三暝補 buē 盡，啊，英文版本有寫日期#Record of words written on Instagram
Yesterday(12.07) I try to write an article, it's just an essay, but I write over 12 hours and today I feel so tired, i mean body is tired my mind is not.
I love writing the article but I think I have no talent, oh yes, I'm trying an essay writing for small money to buy new books from Taiwan.
敢是彼件佬仔代？啊，過了代 ê 代誌就莫閣惜命命，huînn-ti̍t tī 佬仔 ê 世界我學著目睭愛眵眵，WC m̄-tsiah 有才調看做 Hotel ê 攑香綴拜，相趁相喊，假仙假觸。
凡勢捷看 Dayday 台交 Podcast 齊是台語節目，所致萬能 ê 演算法 kā 這个無地藏 ê 癖分張 hōo YouTube 然後𪜶推薦我江鵝說件事「講台語，我會曉講的台語」，江鵝講著一世人一直 teh 學習外國語文交驚人講文法有問題 hōo 我足有感觸，起因我 mā 是這款個性。不過自 2024 kā 頭一工講 Du 隔轉工講做 Sie hōo 自頭到尾 m̄ 捌要意我彼若乞食衫 ê 德語文法查某囡仔，若日鬚 ê 金頭鬃，伴若東海一屑仔攏無鹹度閣清甲若鏡 ê 藍色目睭步頻成做猶未整治 ê 萊茵河。
我 m̄ 是刁意故按呢做，我只是自自然然順家己背過 ê 正確文法 kā 德文轉做德語講出來，見著查某囡仔無理解 ê 表情，我想 bueh 好好仔解釋，押尾隨在伊矣，有一日查某囡仔 ē 理解我 ê 問題，這是伊人生需要學習 ê 課程，當我認捌這个狀況，我 ê 台文書寫 mā 開始行向 Song of the Open Road。
巡田園翻田塗讀著虎年 ê 祝福，
虎咬豬，虎你幸福。
二九暝，食譜寫煞準備揤計算機，The Piano(鋼琴師，華：鋼琴師與她的情人，1993) 樂音佮 Ada 綴鋼琴做陣摔落海底 ê 畫面浮在眼前，圇出去 ê 手伴頂月眉 ê 峇微笑圇轉來。
My will choice my life,
我 ê 意志選擇我 ê 生活，
there is a kind of silence in the world of no sound.
遐有一款無聲 mā 無說 ê 恬靜世界。
看圇出去 ê 手，伊宛然 Ada 將彼條 kā 伊佮鋼琴縛做陣 ê 索，看圇轉來 ê 手，伊宛然彼條敨放 Ada ê 索，胸坎 ê 波浪隔厚厚一層閣一層 ê 冬衣，一湧閣一湧將岸邊 ê 舊沙捲走，一湧閣一湧帶新沙來。德國無虎通咬德國豬，我頇顢 mā buē 曉做虎咬豬，總是我知影今仔日虎咬一隻豬來到 gún 兜，hōo gún 福，我就 m̄ 通閣 kā 這个 gún 翁要意 ê 人兩跤，錢四跤產生 ê 恬靜戰爭繼續湠落去，起因伊已經認捌 bueh kā 四常過甲四兩豬肉切兩盤，好看閣省錢，m̄ 是要求別人抾拾，家己排祉(tsí)就會使得尻川坐米甕，手摸錢筒。
2022 發生啥物代誌？順記持 ê 跤跡行轉去閣行轉去，四常 ê 鹹酸苦汫甜猶是 Geh deinen weg lass dich beleiten 陪伴家己行家己 ê 路，交我正港享受成做空氣 ê 自在，像 Ada。
交美國總統川普無媒體緣 ê 德國總理 Merz 自出訪美國轉來，本底是清面顧人怨 ê 新聞相片開始成做喙笑目笑有人緣 ê 相片，hōo 我想著《翻身‧番身》ê 這段話「媒體會tsiânn--人,嘛會食--人」。
頂站仔踅「聚珍臺灣」見著 Big Brother 出台文版隨決定落定，總是人 tī 國外請聚珍臺灣寄一本 Big Brother 按呢太過傷本手指頭仔就繼續𫝻，𫝻到我認為運費交冊錢有通仔互相比並 tsiah 停手。這本《烏鬼記》就是 uī-tio̍h 一逝路若天所𫝻出來 ê 無 tī 按算 ê 讀本內底。
我是一隻黑鬼，漂蕩在府城的安靜暗巷，
鄉愁沒有讓異鄉升格為家鄉，只是更添加哀怨……
本書共收錄極短篇、短篇小說與台語小說三輯，以小說記錄下詩人以其詩眼所窺望的人生及社會百態。
詩人在極短篇的有限篇幅中捕捉人性的刹那切片，並以詩的語言、詩的意境構築疊砌，使小說敘事有了媲美詩韻的言外之意。
短篇小說聚焦經歷過家暴、失婚的女性對抗憂鬱症的艱困路途，同時也看盡在手足、家族與鄉里之間搬演的人生劇場，更用一隻遊蕩在台江內海遺址的「黑鬼」，以一段刻骨情愛道盡三百年前的台灣於種族、土地與政權間發生的糾葛。
「詩人最後以如火純青的台語，寫出最接鄉里地氣的台語小說，深情地表達她對土地的愛與眷戀，也心痛地寫下失根的做田人漂浮於瘋癲、病痛、死亡與金權遊戲的悲哀……」
這是聚珍臺灣 ê 內容簡介，照實講目今 ê 我願意 kā 一逝路遠甲若天 ê 投資投 tī 華文少甲無到 1%，這斗因為 Big Brother hōo m̄ 知交伊見過幾擺面 ê 我自動 kā《烏鬼記ㄨㄍㄨㄟˇㄐㄧˋ》讀做《烏鬼記 Oo-kuí-kí》，然後樂暢家己挖著寶，有台文作品通收藏。
冊按台灣寄到德國，手頭 ê 讀本讀煞，英國 ê Big Brother 囥一爿隨讀詩人上親切閣活潑 ê 作品，華文作品 ê〈絲瓜掉到陽台下〉「她打算擔起這個負債，人世間能夠用金錢解的都是容易的事。」、〈頭號冤家〉「小春，不要提分手的字眼，這種話說多了會成真。」、「過去世我曾經囚禁過你，所以這一世你會用曝力對我。」hōo 我想著青春少年 ê 戇 tshan-tshiūnn 這段話：咱 ê 潛意識無時間，咱認為 ê 過了代，事實 m̄ 捌過了代，到今我猶原夢著青春少年 ê 伊，我無想 bueh 交伊見面，伊卻 tī 這年半老老 ê 時間不三時轉來纏綿 hōo 我骨力上網揣解方，按怎較 buē 眠夢，準做我清楚知影伊 tuì 我來講是完完整整 ê 過了代 buē 閣大麵炒圓仔，膏膏纏，這段感情 mā 成做我現此時 ê 冷靜，搪著交伊 bueh 相𫝛 ê 爸母囝德國翁婿，我 buē 閣 hōo 我認為 ê 愛 kā 獨立 ê 家己擲一爿據在伊焦蔫。
〈野孩子〉ê「男孩女孩圍著她，發出喔喔吼聲還配上揮動手臂的姿勢，猶如某些原始民族驅趕惡靈般。」、〈寄生女人〉梅 ê 龍鳳故事 hōo 我想著大姊，寄生女人 ê 主角談著政治問題 hōo 我想著呔討我 tuì 藍抑是綠齊無支持，寄生女人 ê「將要走到生命的盡頭，梅仍然不認這個家。」我斟酌看家己，我猶是我家己，只不過屬家己 ê 歌聲，年久月深罕得唱歌，一開喙連家己 mā 聽出聲調比漚爛 ê 德語閣較牛喉馬聲。
《烏鬼記》是一本引𤆬我行入人生捌發生 ê 故事，不過伊 m̄ 是一本寫入我心肝穎 ê 作品，這久 ê 呔討 uī 伊走一逝心情練跤花?
無畏講，我 tuì「詩人最後以如火純青的台語，寫出最接鄉里地氣的台語小說」非常有意見，〈寂滅之鄉〉我以華文讀過，準做分類清清楚楚標記伊是台語小說，不過以這段做比如隨知機，伊是華文透一句台語，抑是台語濫一句華語，或是純台語。
「阿蘭這囡仔從小就靈巧，很會替人著想。她阿爸真疼惜她，常講要讓她讀大學，阿蘭她毋愛讀冊，她講要跟她阿爸學種田。」我 ê 台語無詩人 ê 純火純青，不過這个語法正港正讀華文倒讀 mā 華文 ê 確實有有台語「阿蘭這囡仔」、「毋愛讀冊」，以詩人自選 ê 台語字來讀「她阿爸真疼惜她」我 ē 自動轉化做「𪜶阿爸真疼惜伊」，簡單講規段我會按呢轉化「阿蘭這个囡仔自細漢就足靈巧，真𠢕替人設想。𪜶阿爸誠疼惜伊，定定講 bueh hōo 伊讀大學，阿蘭伊 m̄ 愛讀冊，伊講 bueh 佮𪜶阿爸學種田。」
我 m̄ 知影這敢是作者刁意故 ê 寫作方式，抑是記持中已經放 buē 記 ê 鄉土文學，目看華文心知彼是台文？然後 kā 伊算台文一類？𠊎毋知。
烏鬼記 ê 台文小說 tuì 我個人來講以〈歹園仔〉交〈青暝牛〉算起，這兩篇台文讀煞，我又閣想著台文 ê 台語文、客語文 ê 標準化問題，然後感謝教育部台客字典 ê 出世，畢竟伊 buē hōo 我這斗讀伊是踞(khû)，後回讀伊是蹲(khû)，後後回讀伊又閣變做跍(khû) ê 若無前後文句，像《翻身‧番身 》〈愛你幸福〉「欲去台北揣一个閣較好ê缺，袂輸桌頂拈柑--leh，卻家己來佇台南ê庄跤咧踞。」 因為前後句我清楚知影彼字是跍，若無前後句 kan-ta 踞，我 ē 掠伊做 Kū 像咱讀日文漢字按呢，管待日文按怎講 huînn-ti̍t 我 kan-ta 捌華文音。
W wodzie, owej płynnej materii, nie ma nic stałego
水，這个硞硞流 ê 物質，伊從來 m̄ 捌固定
Jan Heweliusz
水從來 m̄ 捌固定，總是水有伊固定 ê 形體，敢 m̄ 是？這斗 ê 揀冊經驗 hōo 我學習媒體紹介 ê 台文作品愛斟酌思考，m̄ 通齊信篤。
這 m̄ 是讀冊心得 mā m̄ 是冊評，遮 ê 文字是我 tuì 這本冊 ê 遛膨絲。
